Shillong, Naiwieng 05: Ka ophisar IAS ba lah shongthait Kong Ripnar Lyngdoh ka la bam smai kum ka State Chief Information Commissioner (CIC) ka Meghalaya ha ka sngi Palei ban pyndap ia shuki ba thylli hapoh ka Right to Information Act, 2005.
U Lat ka jylla CH Vijayashankar u la pynbam smai ia i kong Ripnar ha Lok Bhavan Shillong.
Kiba la iadon ban sakhi ki kynthup u Chief Secretary ka jylla Shakil P Ahammed, Additional Chief Secretary sha u Lat u HC Chaudhary, ki heh ophisar sorkar, bad kiba ha iing ha sem i Kong Ripnar Lyngdoh.
Katkum ka jingpynbna ba la pynmih da ka tnad Personnel and Administrative Reforms (A) i kong Ripnar kan shakri ar snem naduh ka sngi ba shimti iaka kam lane haduh ba kan da dap 65 snem ka rta.
Ka samoi treikam bad ka tulop kin iaid katkum ka Right to Information Rules, 2019.
I kong Ripnar Lyngdoh in khlieh ia ka State Information Commission bad in pyntreikam ia ka bor katkum ka RTI Act, 2005.
