Shillong, Risaw 24: U Myntri Rangbah ka Jylla u Conrad K Sangma ha ka sngi Thohdieng ula pynksan ia ka jingtih dewiong da ka jingstad saian bad ka rukom tih kaba shgain na ka bynta ki nongtih dewiong kiba rit ha Meghalaya, da kaba ong, ba ka jingtih dewiong kadei ka lad ban kamai jakpoh da ki hajar tylli ki longiing longsem.
U Conrad Sangma ula shong ia ka jingialang bad u Secretary jongka Ministry of Coal bad u Additional Secretary, uba khlieh duh ia ka Central Panel kaba khmih bniah ia ka jingtih dewiong kaba rit ha Meghalaya.
U Sangma ula pyntip ha ka rynsan X ka jong u da kaba ong, ba ka jingialang kala khmih bniah ia ka jinglong jingman kaba la leh da ka committee haduh mynta.
Met the Secretary, @CoalMinistry, Government of India, and the Additional Secretary, who chairs the committee constituted by the Ministry to examine small scale coal mining in Meghalaya, in Shillong today. We discussed the progress made by the committee so far.
Coal mining is a source of livelihood for many families in our State. Our effort is to find a way forward that allows our small miners to work scientifically and safely, while protecting the environment. We will continue working closely with the Government of India on this.
#Meghalaya #CoalMining #ScientificMining— Conrad K Sangma (@SangmaConrad) October 23, 2026
“Nga lah iakynduh ia u Secretary, Coal Ministry ka Sorkar India bad ia u Additional Secretary, uba pyniaid ia ka committee kaba thung da ka Ministry ban khmih bniah ia ka jingtih dewiong kaba rit ha ka jylla Meghalaya, ha Shillong hynne ka sngi. Ngi lah iakren ia ki kam kiba la pyniaid shakhmat da ka committee haduh mynta” ula pynpaw.
U Myntri Rangbah ula ong, ba ka Jylla ka thrang ban pynmih i ka Model kaban ailad ia ki nongtih kiba rit ban bteng ia ka kam ha ka rukom kaba pyrkhing.
“Ka jingtih dewiong kadei ka tyllong ia kiba bun ki longiing hapoh ka jylla. Ka jingpyrshang ka jong ngi ka long ban wad ia ka lynti ban iaid nagne shakhmat kaban shah ia ki nongtih kiba rit ki jong ngi ban treikam da ka jingbud ryntih katkum ka jingstad saian bad ka jingshngain, ryngkat bad ka jingiada ia ka mariang. Ngi ngin iai bteng ban trei da kaba iajan bha bad ka Sorkar India halor kane ka mat” la ong u Sangma.
Ka Ministry of Coal kala thaw ia ka Committee kaba la khlieh da u Additional Secretary ban khmih ia ki mat kiba iadei bad ka jingtih dewiong kaba rit ha Meghalaya, hadien ba kala iai don ka jingdawa kaba man ka por na ka Sorkar Jylla ban don ia ka jingpyrkhing bad ban pynneh ia ka jingtih dewiong.
