Itanagar, Risaw 24: Ka jingkhot pakhang shnong kaba 12 kynta kaba la khot da ki kynhun pyrshah dam ia ka jingthmu jong ka Siang Upper Multipurpose Project (SUMP) ka dang iaid ha kylleng ka Siang bad Upper Siang district bad ki bynta jong ka East Siang ha Arunachal Pradesh ha ka sngi Thohdieng.
Ia kane ka jingkhot pakhang shnong la khot da ki katto katne ki seng, kynthup ia ka Adi Bane Kebang-United, ka Seng Samla ba shah ktah ha ka SUMP, ka Siang Indigenous Farmers Forum bad ka Adi Galo Welfare Society, da kaba dawa na ka sorkar ban weng noh ia katei ka jingthmu bad ban weng noh ia ki shipai na katei ka thain.
Ha kajuh ka por, ki pulit jong ka Boleng, ki la siat da ki tyndong lyer pynsat khmat ban pynpra ia ki nongiakhih hajan Ditte Dime, ha shilynter ka lynti kaba leit sha Geku, ha ka sngi Thohdieng.
U Superintendent of Police ka Siang, u Kamdam Sikom, u la iathuh ba ki nongiakhih ki la kynnoh ba ki la kawang maw ia ki pulit, kaba la pynlong ia ki ban pyndonkam da ki tyndong lyer ba pynsat khmat ban tehlakam ia ka jinglong jingman.
Ula ong ba la pynlong ruh ia ka jingkhang dam ha Boleng, katba ka jinglong jingman baroh kawei ha kylleng ka Siang District ka dang long kaba suk ba sain.
Ka jingthmu jong ka SUMP ka la mad kylla ia ka jingpyrshah na ki bynta jong ki nongshong shnong, kiba la pynpaw ia ka jingsngewkhia halor ka jingktah kaba lah ban mih na ka jaitbynriew trai ri trai muluk, ka jaka bad ka kamai kajih.
 ka dang iaid ha kylleng ka Siang bad Upper Siang district bad ki bynta jong ka East Siang ha Arunachal Pradesh ha ka sngi Thohdieng.){kind=link}