Shillong, Risaw 16 : Ka Shillong Higher Secondary School, Forest Colony, Lawmali, ha ka sngi Balang kala rakhe ia ka Annual Day 2026 ha ka Auditorium ka skul.
Kane ka jingrakhe kala sdang da ka jingrwai ia ka Jingrwai Ieid Ri, Vande Mataram bala pynduh da ki jingpyninam ia ka kolshor.
U MLA ka Pynthorumkhrah Bah AL Hek ula pynshongkun ia ka jingrakhe kum u kongsan bad kyntu ia ki khynnah skul ban long ki nongshongshnong kiba bha bad kiba shakri ia ka Ri kat kum ka jinglah bor jong ki.
U Bah Hek ula pynbna ruh ia ka song jingiarap ba T.10 lak na ka MLALAD scheme jong u sha ki kam pynroi ia ka skul.
U kongsan symbud Devendra Singh Bedi ula iaroh ia ki bor pyniaid bad ki nongtrei ka skul namar ka jingioh ia ka result ba 100 na ka 100 kiba pass ha ka eksam SSLC bad HSSLC ba dang shu dep ka MBoSE.
Kiwei pat kiba la ai jingkren ki kynthup ia u Principal Arnab Das, Secretary ka Managing Committee Protima Das bad Director barim ka Higher and Technical Education Dr. S.K.Chattopadhyay.
