Shillong, Nailur 30: Ka tnad Labour ka la maham ban pynshitom daka ba tyngeh lada lap ba nongbylla bar jylla ki sei da ki syrnot bad ki slip thok haba pynrung kyrteng ha ki khyrdop talasi ha kylleng ka jylla Meghalaya.
U Labour Commissioner Bah Banteilang Kharshandi, ha ka kyrwoh u la ong ba kino kino kiba ai iaki slip thok sha ki nongbylla bar Jylla kin shah pynpynshitom katkum ka kyndon 336 jong ka Bharatiya Nyaya Sanhita.
Kane ka jingmaham ka wan ryngkat bad ka jingpynkynmaw ba ka Meghalaya Identification, Registration (Safety & Security) of Migrant Workers (MIRSS) Act & Rules 2020, ka don bynta ban pynrung kyrteng ïa uwei pa uwei u nongbylla sngi bad ban ai ïa ka Card hadien bala pynrung kyrteng.
“Ka bai aplikeshon ka long T.50 tyngka” la ong ka kyrwoh bad bynrap ba ia ki aplikeshon dei ban thep online sha u Registering Officer ba dei peit lyngba ka Labour Commissioner portal, Invest Meghalaya portal, Meghalaya State Public Service Delivery Commission portal, CSCs lane help desks haki District Labour Offices.
Hapoh ka Rules ba la pynkylla thymmai jong u snem 2026, ki kot ki sla kiba donkam ki kynthup ia ka voter ID, driving licence, PAN, BPL card lane kino kino ki kot bala ithuh daka Sorkar kiba don ia u Aadhaar, nalor ka jingpynshisha da ki pulit.
Ia ka jingpynshisha shipor yn leh lyngba ka CCTNS bad ka jingpynshisha kaba khatduh dei ban pyndep da ki pulit hapoh 30 sngi.
Ka card ka treikam haduh 179 sngi bad ka aplikeshon ban pynthymmai dei ban pyndep hapoh 30.
Ka tnat ka la ong ba ki nongai kam bad ki contractor kiba ai kam iaki nongbylla khlem da pynrung kyrteng kin ngat ha ka jingpynshitom kata ka kuna kaba T.10,000, nyngkong, T.25,000 kaba ar, bad na ka bynta ki kam beain haka b alai, ka ka jingshah pynshitom kadei T.1 lak ka kuna lane lai bnai shah set phatok.
