Nongstoiñ, Nailur 28: Ka Congress lyngba ka District Congress Committee West Khasi Hills, ha ka sngi Nyngkong jong ka taiew, ka la thang ïa ka dur tyngshop jong u Gyanesh Kumar, Chief Election Commissioner ka ri India.
Ka Congress ka la kynnoh ba u CEC ula ïuh roit ïa ka hok ki paidbah haba jied Nongmihkhmat da ka jingiasylla lang bad ka BJP ban leh thok leh shukor ha ka por thep vote.
Ia kane la pynpaw da u bah Eric Kharsyntiew President jong ka District Congress Committee mynta ka sngi ha phyllaw ka Congress Bhavan Nongstoiñ West Khasi Hills District.
Ka Congress kala ther tyngeh ïa ka seng BJP bad ïa u Gyanesh Kumar Chief Election Commissioner ka Ri India ha kaba ka la ong ruh ba une u CEC u la kylla long u ‘ñiangkohnguh jong ka seng BJP ym shuh kum u Chief Election Commissioner jong ka Ri India.
Ïa katei ka jingthang tyngshop la pynlong ha phyllaw ka Congress Bhavan Nongstoiñ, ha kaba la ïadonlang ruh u Bah G.Ningstar Marthong President ka Nongstoiñ Block Congress Committee, u Bah J.T.S Thongni President ka Rambrai Block Congress Committee bad kiwei kiwei bad ki la ïa pyrta ruh da ki ktien ‘Down Down BJP’.
