Guwahati, Nailur 28: Ka Cockroach Janta Party (CJP) ha ka sngi U Blei ka la buh jingkylli ïa ka rukom treikam ka sorkar Assam ban ïakynduh bad ki samla hadien ba u nongïalam ka seng Ashish Gawande bad katto katne ngut ki nongtrei mon sngewbha ki la shah kem haAs Guwahati.
Ka party ka la pynpaw ia kane ka mat ha ki lad pathai khubor, da kaba kynnoh ba ki jingshah kem ki wan wat la ka la kyrpad kham mynshwa ia ki Pulit Assam ban burom ia ka hok riti synshar jong ki dkhot bad ki nongtrei mon sngewbha jong ka.
“Watla la bun sien la maham ïa ki Pulit ka Assam ba kin burom ïa ka Riti Synshar ka Ri, hynrei ka jingkem ïa u Ashish Gawande bad ki nongtrei mon sngewbha jong ka CJP ka la ïai bteng,” ong u nongaiktien ka CJP.
Ka party ka la buh jingkylli ruh ïa ka jingkynthoh jong u Myntri Rangbah ka jylla u Himanta Biswa Sarma dang shen ba ka sorkar ka plie lad ïa ki briew kiba wan sha Assam ban buh jingkylli ïa ka, ban pynpaw ïa ki jingduna bad ban ïakren.
“Hato kumne ka sorkar Assam ka ïakren bad ki samla kiba dawa ïa ka hok ba kongsan jong ki ban kylli jingkylli?” ong u nongai ktien ka party.
Ka CJP ka la pynlong ia ka jingialang jong ki nongtrei mon sngewbha ha ka thain ha Guwahati ha ka sngi U Blei.Ka party ka la kynnoh ba katto katne ngut ki nongialam na Delhi bad ki nongkyrshan ki la shah kem ha ki pulit shwa ka jingialang.
Ki jingshah kem, la ong ka party, ki la buh jingkylli ia ka jaka kaba don na ka bynta ki samla bad ki kynhun sain pyrthei ban buh jingkylli bad ban kynduh bad ka sorkar.
