Shillong, Nailur 17 : Ki riew runar kila wiang ding ia kawei ka kali Bolero ha phyllaw ka Directorate of Health Services (DHS) ha Laitumkhrah.
Kane ka jingjia kalajia ha ka step phyrngap por 3 baje eiei jong ka sngi Palei, ong ki Pulit.
Kane ka kali ba don u nombor ML01-7702 ka dei kaba pynieng ha phyllaw jong ka DHS Complex. Ki kali pynlip ding kila hiar mar mar sha katei ka jaka bad kila lah ban pynlip kloi ia ka ding.
Ha kiwei pat ki jingjia ba jia ha ka miet 16 tarik Nailur, ka Police Booth ha Nongmynsong kala shah wiang ding bad ka Lumdiengjri Police Station kala shah kawang petrol bomb.
Ki Pulit kila register case halor kine ki jingjia bad ka jingtohkit mynta kala iaid shakhmat ban lapdien ia ki runar kiba donkti.
