Shillong, Nailur 9: Ka Myntri Pla Tyngka ka Ri Nirmala Sitharaman kala kular ia ka jingkyntur ba thymmai na ka liang ka Sorkar India ban lah pynkloi ia ki Externally Aided Project (EAP) ha ka thain Shatei Lam Mihngi, hadien ka jingialang bad ki Myntri Rangbah ka Meghalaya bad Assam.
U Myntri Rangbah ka Jylla Conrad K Sangma bad u Myntri Rangbah ka Assam Himanta Biswa Sarma kila leit iakynduh ia ka Sitharaman ha New Delhi ha ka sngi Balang ban iakren ia ki kam ba iadei bad ki Externally Aided Project (EAP) na ka bynta ki Jylla jong ki.
Met the Hon’ble Union Finance Minister, Smti @nsitharaman ji along with the Hon’ble Chief Minster of Assam, Dr. @himantabiswa ji to dicuss matters relating to Externally Aided Projects. Thank the Union Finanace Minster for always supporting the aspirations of the Meghalaya and… pic.twitter.com/8wt2Ry6UAZ
— Conrad K Sangma (@SangmaConrad) September 9, 2026
Haba thoh ha X, u Conrad ula ong “Iakynduh ia ka Myntri Pla Tyngka ka Ri Smti @nsitharaman ji ha ryngkat u Myntri Rangbah ka Assam, Dr. @himantabiswa ji ban iakren halor ki kam ba iadei bad ki Externally Aided Project. Khublei ia ka Myntri Pla Tyngka ka Ri namar ka jingiai kyrshan ia ka jingangnud jong ka Meghalaya bad ka thain Shatei Lam Mihngi”.
Haba batai shuh shuh halor ka jingialang, u Himanta ula ong ba ka jingpynleit jingmut ka long eh ha kaban pynkiew ia ka capital expenditure (ka pisa ba pynlut ka Sorkar ban tei jingtei, thied jingthied) ha ka thain.
“Da ka jingthmu ban kyntiew ia ka capital expenditure ha ka thain North East, Nga ryngkat bad u Myntri Rangbah ka Meghalaya Shri @SangmaConrad Ji, ngi la iashong jingialang kaba sngewtynnad bad ka Myntri Pla Tyngka Smt @nsitharaman Ji,” ong u Himanta ha X.
Ula ong “Ngi la pyni ia ka nia kaba khlain ban nang kyntur ia ka jingiaid ki Externally Aided Project ha baroh artylli ki Jylla jong ngi, ka ban plie ia ka lad kynshew ba thymmai na ka bynta ki jingtei. Ka Myntri Pla Tyngka kala ai ia ka jubab kaba sngewtynnad bad kular ha ngi ia ka jingkyntur ba thymmai na ka liang ka Sorkar ban pyniaid shakhmat ia kane ka mat ka roi ka par ba kongsan”.
Ia ki EAP la pyntreikam da ka jingbei tyngka na ki agency bar ri kum ka World Bank, ADB bad JICA.
