Shillong, Nailur 09 : Ka Jylla kala pyntip sha ka Iingkashari Meghalaya High Court ba ka Directorate of Forensic Sciences, Shillong kala pynsangeh ia ka jingleh DNA test namar ka jingduna ki dawai test.
Ia kane la pyntip hakhmat ka Iingkashari division bench ka Chief Justice Revati Mohite Dere bad Justice W Diengdoh haba shong bishar ia ka PIL ha ka sngi Ba-ar.
Ka Iingkashari ha ka 11 tarik Nailar kala bthah ia u Advocate General ban pan ia ki jingbthah la ki dawai ba donkam ban leh DNA test lah pynpoi ne em sha ka FSL hadien ba pyntip ba ia ka jingleh test la pynsangeh namar ka jingsahteng ka jingtyrwa ban phah wanrah dawai ha ka Sorkar Jylla.
Ha ka sngi Nyngkong, u AAG ND Chullai bala iarap lang bad u GA R Colney, kila wanrah ia ka short notice ba khot quotation ban supply ia ki tiar bad ki dawai na ka bynta ka DNA Unit.
Ia kane ka quotation lah dei ban pdiang bad plie ha ka 9 tarik Nailur.
U Bah Chullai ula pyntip ruh ba ka kam maramot hapoh ka Directorate ka dang iaid shakhmat bad yn sa pyndep ia ka hashuwa ban kut u bnai, bad pan por ruh saw taiew.
Ka Iingkashari kala ai ia ka por bad buh ban bishar biang ia ka mukotduma ha ak 12 tarik Risaw.
Kala bthah ruh ia u Amicus Curiae K Ch Gautam ba un leit jurip ia ka Ophis ka FSL bad aiti ia ka kaiphod ha ka sien shong bishar ban wan.
