Shillong, Nailur 6: Ka Nongbah Shillong kan sakhi ia ka jingiaid suki jong ki kali ha ka 7 bad 8 tarik u Nailur namar ka jingwan jong u Vice President ka India.
Ha ka kyrwoh na u SP Traffic (East Khasi Hills) u Dr Hari Prasanth MR ula ong, ba la pynkhreh ia ka jingiaid jong ki kali VVIP naduh na Umiam haduh Police Bazaar.
Ka jingiaid ki kali kan suki ha ki bynta jong ka Umiam – Mawlai Mawiong – Golfinks – CRPF Junction – Polo – 4th Furlong – IGP – Kachari – Police Bazaar.
La kyntu ia ki nongleit nongwan ba kidei ban buh jingmut lypa ia ka leit ka wan ka jongki, ban kham pynkylluid ia ka por bad ban ai ka jingiatreilang bad ki pulit pyniaid kali ban kiar na ka jingdheng kali.
Ia ki kali Emergency Services kiba kynthup ia ki kali kit nongpang bad ki kali pynlip ding jong ki pulit, yn plie lad ba kin iaid ha katei ka por, la ong u heh pulit.
U SP ula pynpaw ruh ia ki paitbah ba kin ym sngeweiei.
