Guwahati, Nailar 26: Ki pulit ka Assam Special Task Force (STF) ki la ioh ban kem sa uwei pat uba la shah kynnoh ba u dei u agent jong ka Shahzad Bhatti Network (SBN) kaba don ha Pakistan na Hailakandi district ha ka por mynstep jong ka sngi Balang bad baroh kiba la shah kem ha katei ka kam ki la poi sha ka saw ngut.
Ia une u nongshah kynnoh ba la tip kyrteng kum u Fazeal Islam Barbhuiyan ba dang 21 snem ka rta, la kem na kawei ka jaka kaba hap hapoh jong ka Ramnathpur Police Station ha ka jingkhynra lang kaba la pynlong da ki pulit ka STF bad ki pulit jong ka Hailakandi.
Katkum ki pulit Assam, u Barbhuiyan u la phet rieh na ka jingshah kem ha kaba iadei bad ka STF Police Station Case No. 06/2026.Ia kane ka jingkhynra la sdang halor ka nongrim jong ki jingtip ba la ioh na ki jingshah kem kham mynshwa bad ka jingtohkit hadien kata.
Ki pulit ki la iathuh ba la ioh kurup katto katne ki tiar bad ki kot ki sla kiba pynngat ia u bad la kurup ia ki ha ka por ba pynlong ia ka jingkhynra.Ka jingtohkit kaba kham bniah ka dang ïaid shakhmat ban pynthikna ïa ka jingkynnoh ba u don bynta ha ka network bad ban lap ïa ki paralok kiba lah ban donkti.
Kane ka jingkem kaba thymmai ka long hadien ka jingkem kham mynshwa ia ki lai ngut kiba la kynnoh ba ki dei ki nongtrei ka SBN na ki distrik Dhubri, Chirang bad Barpeta.
Ka STF ka la ong ba kane ka jingkhynra ka dei shi bynta jong ka jingtohkit bad jingleh pyrshah ïa ki kynhun lehnoh bad ki kynhun pyrshah ri bad ki nongtrei kam jong ki ha Assam.
 ki la ioh ban kem sa uwei pat uba la shah kynnoh ba u dei u agent jong ka Shahzad Bhatti Network (SBN) kaba don ha Pakistan na Hailakandi district ha ka por mynstep jong ka sngi Balang bad baroh kiba la shah kem ha katei ka kam ki la poi sha ka saw ngut.){kind=link}