Shillong, Nailar 25: U Chief Electoral Officer (CEO) Dr BDR Tiwari u la bishar bniah ïa ka jingïaid shakhmat jong ka Special Intensive Revision (SIR) 2026 bad ong ba napdeng ki 6,43,439 tylli ki notice ba la pynmih, 4,78,217 tylli lah dep ban pynpoi bad 1,65,222 tylli ki dang sahteng.
Haba pyniaid ia ka jingialang online bad ki DC, ki DEO, ki EROs bad AEROs ha ka 25 tarik Nailar, u Tiwari u la bthah ia ki heh Sorkar ban pynsted ia ka jingpynpoi bad ai por kaba biang ia ki nongthep Vote ban leit sha ki jingpynshisha ryngkat bad ki kot ki sla.
La bthah ia ki District kiba bun ki bym pat wan pynhisha ban buddien ha ki jaka thep vote bad ha ka kyrdan BLO.
U CEO ula ong ba la pynlong 62,343 tylli ki jingbishar haduh mynta 9.69% na ki Case la ithuh bad u la ban jur ba yn ym pyndam ia kano kano ka kyrteng ha ka Draft Roll khlem ka jingpyntip, ka jingtohkit bad ka jingbishar hok.
Haka jingialang la kdew ba ia ki jingbishar ha ki 14 tylli ki Assembly constituency jong ka East Khasi Hills la pynsangeh noh haduh ban da pynmih hukum da kumwei pat namar ka jinglong jingman jong ka suk ka sain, lait noh ka 26-Shella, 27-Pynursla bad 28-Sohra.
Iaki tarik ba thymmai yn sa pynbna pat.
Katkum ka jingkhein, ki don 6,51,644 ki Case kiba donkam ban pynshisha, 2,22,786 hapoh ka No Mapping bad 4,28,858 kiba don ka jingbym iahap ha ka Mapping kum ka kyrteng lane ka kyrteng jong ki kmie ki kpa ka bym iahap bad ka SIR jong u snem 2005, ka jingbym iahap ka rta hapdeng ki kmie ki kpa, ki para bad ki mie ieid paieid.
La ioh pdiang haduh 5,848 tylli Claims and Objection hadien ba la pynmih ia ka Draft, kynthup ia 2,840 tylli ki jingpynrung haka draft, 2,250 tylli ki jingpynbeit thymmai, 503 tylli ki jingpynkylla bad 255 tylli ki jingshah wengh.
Halor ka jingpynbeit ia ki jingeh jong ki paidbah, ka tnat election kala ioh pdiang 2,729 tylli ki phone call lyngba ka ‘Book a Call with BLO’, ha kaba 2,502 tylli la lah ban ai ka jubab.
U CEO u la pynpaw biang ba ki nongthep vote kiba dei hok kiba la jah kyrteng na ka Draft ki dang lah ban Apply lyngba ka Form 6 haduh ka 4 tarik u Nailur bad ia ka Final Roll yn sa pynmih ha ka 7 tarik Risaw.
 Dr BDR Tiwari u la bishar bniah ïa ka jingïaid shakhmat jong ka Special Intensive Revision (SIR) 2026 bad ong ba napdeng ki 6,43,439 tylli ki notice ba la pynmih, 4,78,217 tylli lah dep ban pynpoi bad 1,65,222 tylli ki dang sahteng.){kind=link}