Shillong, Nailar 24 : Uwei u suba nongtuh, ula leit rung ha ka step sngi Nyngkong ha kawei ka guest house ha Laitumkhrah bad rong tuh ia artylli ki iphone jong ki samla pule kiba sah ha kane ka iingbasa.
Kane ka jingjia kala jia ha ka por 6:30 baje mynstep hapoh ka Paying Guest, La Mirage Building, kaba don pyrshah ka Ao Baptist Church, Nongrimmaw, Laitumkhrah, Shillong.
Kat kum ki video CCTV la pyni ba une u runar ula rung khlem ka jingriej sha kane ka guest house bad mih ruh kumbym tip eiei hashuwa ba un jah.
Ia kane ka jingjia la pyntip sha ki pulit kiba la register case bad pynlong ia ka jingthwet ban ioh kem ia une u briew.
