Guwahati, Nailar 22: Ka North-East Petroleum Mazdoor Union (NEPMZ) kala pynsangeh noh ban pynkit ia ka umphniang Petrol, Diesel bad ia ka tyndong lyer shet jingshet ne LPG na Assam sha Meghalaya, da kaba pynpaw ba kam don jingshngain ia ki kali kiba don ia u Registration Number ka Assam namar ka jingbym don ka shongsuk shongsain.
Ka Union kala ong, ba kane ka jingpynsangeh kan iai bteng tad haduh ba ka Sorkar Meghalaya kan shim ia ki sienjam kiba thikba ba kan don ka jingshngain ia ki kali kiba na Assam kynthup ia ki kali Tourist.
U General Secretary ka NEPMZ u Ramen Deka ula ong, ba ka Union kala pynsangeh noh shwa shipor ia ki kam ban leit kit ne ban leit buh sha Meghalaya hadien ba kila saphriang ki khubor jong ki kam thombor bad jinghuri hura ha ki katto katne ki bynta jong ka jylla.
“Namar ba ka umphniang kadei kaba kloi bha ban kem ding, ia kane ka rai la shim ban pynthikna ia ka jingshngain jong ka kali bad ia ki mar kiba kit” la ong u Deka.
Ula ong, ba ki dkhot ka NEPMZ kim treh ban kit ia ka umphniang sha Meghalaya bad ki don ia ka jingsngewkhia kaba jur ha kaba iadei bad ka jingshngain ka jongki.
“Tad haduh ba ka jinglong jingman kan long kaba bha noh, ki dkhot ki jong ngi kim treh ban leit kit ia kino kino ki umphniang sha Meghalaya. Kam lah ban long, ban shalan ia ki mar ki mata hapdeng ka jingsyier bad jingsheptieng” ong u Deka.
Ka Union kala kyntu ia ka Sorkar Meghalaya ban pynneh ia ka suk ka saiñ bad ban leh da kaba tyngeh ia kito kiba donkti ha ki kam thombor bad ia kiba pyndik ia ki kali ryngkat bad ia ki briew kiba shong hapoh.
Kane ka jinglong jingman, kala ktah jur ia ka jingkamai ki kali kamai hapdeng ka Jylla Assam bad Meghalaya, ha kaba la don ruh ka jingpyrkhing ia ka jingrung ki kali kamai.
Ha kawei pat ka liang, la pynjur ia ki jingpahara da ki pulit ha kylleng ki bynta jong ka Shillong bad ha ki jaka kiba kongsan bad ki bor kiba dei khmih ki dang ialeh ban tehlakam bad ban wanrah biang ia ka shongsuk shongsain.
 kala pynsangeh noh ban pynkit ia ka umphniang Petrol, Diesel bad ia ka tyndong lyer shet jingshet ne LPG na Assam sha Meghalaya, da kaba pynpaw ba kam don jingshngain ia ki kali kiba don ia u Registration Number ka Assam namar ka jingbym don ka shongsuk shongsain.){kind=link}