Nongpoh, Nailar 20 : Artylli ki kali Bolero jong ka Sorkar bad kawei ka thuk thuk, kila shah thang hynne ka step phyrngap ha Ri-Bhoi District hapdeng ki jinglong jingman kiba mih na ka jingiakhih jong ka Khasi Students’ Union (KSU).
Ki Pulit ki pyntip ba kane ka jingjia kala jia hynne ka step phyrngap hapdeng ka por 2:00 -2:30 eiei hapoh ka Ophis ka Tnad Water Resource (O/O Executive Engineer W/R) kaba don ha Saiden.
Ki Bolero ki dei kiba don u nombor ML01-4464, bad ML01-5359 katba ka thuk thuk pat ka dei kaba don u nombor ML10-C-7459. La iathuh ba ka Bolero ML01-4464 bad ka thuk thuk kila iingkhong khait ha kane ka jingshah thang.
Ki Pulit bad ki kali pynlip ding kila her wut wut sha katei ka jaka ban pynlip ia ka ding bad kila lah ban iada ia kawei ka Bolero kaba la shu iing malu mala.
Ki Pulit kila register case halor kane ka jingjia bad ka jingtohkit mynta kala iaid shakhmat.
