Shillong, Nailar 20 : Ki kali Tourist ka Jylla Meghalaya kynthup ki kali shimet, kila shah pakhang lynti lut ha ka kynhun ki nongniah kali tourist ka Assam hynne ka step sngi Palei ha Khanapara kum ka jingpynphai kylliang ia ka jingshah pynjulor ki kali Assam ha ka rally thuk thuk ka Khasi Students’ Union (KSU).
Baroh ki briew kiba leit jingleit (passenger) da ki kali tourist ka Meghalaya, kila shah pynhiar lut ha Khanapara bad hap bujli kali namar ka jingbym shah shuh ban rung ia ki kali Meghalaya shapoh Assam.
Ka khubor lyngba ka video bala saphriang na ka thain ka ong ba baroh ki passenger kiba wan sha Meghalaya, la ki dei kiba na Assam ne na Meghalaya ruh, ki hap ban iahiar lut ha Khanapara.
Kala kyntu ruh ia ki paidbah ba kin kiar ban leit sha katei ka thain ha kane ka sngi, baba pynpaw ba ki lad pathai khubor kila don ha ka thain ban pynphriang ia ka khubor kat kum ka jinglong jingman.
Ka video kala saphriang ruh ba pyni ia kawei ka kali tourist na Meghalaya kaba la shah lun maw bad shah ket kut ha ki paidbah ka Assam ha Guwahati marjan ka Downtown Hospital.
Ka video ka pyni ruh ba tang ia ki ambulance bad ki kali ba kit nongpang la shah ba kin rung sha Assam.
.){kind=link}