Shillong, Nailar 19 : Da ki hajar ki khun ki hajar ka Hima Langrin kila iatur paidbah sha Khasi Hills Autonomous District Council (KHADC) ha ka sngi Ba-ar, bad dawa ban weng mardor ia u Syiem ba mynta Nangtei Syiemiong halor ki jingkynnoh ba u pyndonkam palat pud ia ka bor.
Ki khun ki hajar kila rah ruh ia ki banner bad pyrta slogan kum ka “ KHADC sngap ia ngi”, “Pynlong ia ka Election” bad “Weng noh ia u Syiem” ha shilynter ka surok haduh ban da poi ha khyrdop ka KHADC.
Hynrei, ki bor pyniaid ka KHADC bad ki bor district kim shym la ailad ia ki ban rung sha phyllaw ka KHADC halor ka nongrim ba kila wan tur khlem da ioh ia ka jingbit.
Namar kane, ki khun ki hajar ka Hima Langrin kila pyrshang ban khang ia ka surok markhmat ka Ophis ka KHADC, kala leit sha Iewduh bad Shillong, kaba lam sha ka jingdheng kali kaba jur ha ka thain.
Hynrei ia kane ka jingkhang lynti la lah ban pynsangeh noh da ka jingtuklar ki bor district.
Haba kren ha ka jingialang, ki nongiakhih kila ong “ Ki khun ki kti jong ka Hima Langrin ki dawa ba dei ban pynduh mardor ia ka management board kaba khmih ia ki jaka puta jong ka Hima bad weng noh ia u Nangtei Syiemiong kum u Syiem ka Hima Langrin”.
Kila pyntip ba ia kane ka rai la shim ha ka 7 tarik Nailar, 2026. Kila dawa ban khot iakren bad ban pynlong ia ka elekshon khnang ba kin lah ban jied ia u Syiem ba thymmai.
Kila pyrta slogan ruh ba pynrem ia u Syiem Nangtei Syiemiong bad dawa ia u ba u dei ban hiar khet mardor.
 ha ka sngi Ba-ar, bad dawa ban weng mardor ia u Syiem ba mynta Nangtei Syiemiong halor ki jingkynnoh ba u pyndonkam palat pud ia ka bor.){kind=link}