Shillong, Nailar 18 : Ka Jaintia Students’ Union (JSU) ha ka sngi ba-ar kala mudui sha ka NGT Eastern Zone Bench ha Kolkata pyrshah ia ka project tih mawshun ka Shree Cement ha ka jaka ba 217.394 hectare ha Jaintia Hills, bad ong ba kan sa leit ruh ban tied ia ka jingkhang ka Meghalaya High Court halor ka jingkynnoh bym leh eiei ka Sorkar Jylla.
Ka kynhun ka JSU ba ialam da u Education Secretary Bocheru Mi Pohsnem kala aiti ia ki sakhi satar sha ka Tribunal.
Kane ka sienjam kala wan jia hadien ba kut ka jingaipor ba 10 sngi ia ka Sorkar Jylla, ia kaba ka JSU ka ong ba ka Sorkar kala shu sngap jar bad khlem leh eiei halor ki jingujor bad ki ejahar ka seng.
Ka JSU kala kynnoh ia ka Jylla, ki Pulit bad ki Tnad ba dei khmih ia ka “jingbym leh eiei khnang bad ka jingbym lah ban iada ia ki nongshongshnong trai muluk”.
Kala iasaid ba ki kyndon iada mariang ki treikam ba khang ia ka jingtih dewiong ka thain ka dei ruh ban treikam sha ki project jong ki kompani.
“Lada ka NGT ka lah ban khang ia ka jingtih dewiong ki nongshongshnong- pynduh ia ka lad kamai jakpoh jong ki briew jong ngi namar ka mariang-kane ka juh ka rule ka dei ban treikam ia ki project tih par jong ki kompani” ong ka JSU.
Nalor ka jingujor sha ka NGT, ka JSU ka pyntip ruh ba kan sa leit mudui da ka mukotduma sha Iingkashari High Court ban dawa pyntynrong ia ka jingbahkhlieh halor ka jingbym trei hok ia ka kam.
U Pohsnem ula ai ka jingmaham kaba tyngeh ia ki bor khmih.
“Ngi la wad ia ka jingbishar bah ok lyngba ki lynti ka ain kiba don. Hynrei, lada ka High Cpurt ka kyntait ia ki jingud jong ngi bad niew ia ki nongshongshnong trai muluk ka ri-lum jaintia kum ki niangkalaw, ngin sa pyni sha ki ia ka bor ba shisha jong ki niangkalaw…Wat ym tynjuh ia ka jinglah shah jong ngi..Ki samla kila peitkai” ula ong.
Ka JSU kala aiti ruh ia ka sakhi da ka video sha ka NGT, kaba pyni ia ka longkmie ba armet kaba shha khang lynti ban leit wad jingsumar hadien ba ka jingtih ia ka surok ha Daistong, ka jingthombor ia ka ambulance ka JSU bad ka jingpynjulor ia ka Sorkar ban khanglad ia ki nongiakhih.
Ka JSU ka ong ba ka ieng ryngkat bad u paidbah ka ri-lum Jaintia bad dawa ia ki tnad Sorkar ba kin leh eiei noh mardor.
“Lada ym lah ban leh eiei, kan pynbor ia ngi ban shim ia ka lynti jingiakhih” ula ong.
 ha ka sngi ba-ar kala mudui sha ka NGT Eastern Zone Bench ha Kolkata pyrshah ia ka project tih mawshun ka Shree Cement ha ka jaka ba 217.394 hectare ha Jaintia Hills, bad ong ba kan sa leit ruh ban tied ia ka jingkhang ka Meghalaya High Court halor ka jingkynnoh bym leh eiei ka Sorkar Jylla.){kind=link}