Shillong, August 17: U Myntri Rangbah ka Jylla Conrad K. Sangma ula pynpaw ia ka jingsngewlem halor ka jingkhlad noh jong ki 5 ngut ki nongshong shnong ka West Garo Hills ha ka jingpluh ding hapoh ka Hotel Bideshinii hajan Tarapith Police Station, kaba hap ha Birbhum district ka West Bengal.
Kane ka jingpluh, ia kaba la kynnoh ba kadei na ka jingthud jong ka bording elektrik, kala shim ia ka jingim jong ki 8 ngut kaba kynthup ia ki 5 ngut na Meghalaya kiba leit pilkrim sha katei ka jaka.
Ha ka rynsan social media, u Sangma ula phah ia ka jingsngewlem sha ki bahaiing bahasem jong kitei kiba la khlad noh bad kitbok kitrwiang ia kito kiba mynsaw ba kin ioh noh ia ka met kaba koi tba khiah.
“Ka Sorkar ka jong ngi ka dang iatreilang bad ki bor kiba dei khmih jongka West Bengal” ong u Sangma.
Pained to learn about the fire incident at a hotel near Tarapith Temple in Birbhum, West Bengal that claimed the lives of five residents from West Garo Hills and injuring six others from our state.
Extend my deepest condolences to the bereaved families and wishing speedy…
— Conrad K Sangma (@SangmaConrad) August 17, 2026
Kane ka jingpluh ding kala jia ha ka Hotel hajan Tarapith Temple katba ki nongshong shnong ka Meghalaya ki dang leit sha katei ka jaka kum ka jingleit pilkrim. La iathuh ba kim shim la ioh lad ban phet na katei ka hotel kaba la kem ding bad kila iap na ka jingshah bam ha ki thylliej ding kiba la klang bha.
Kine ki 5 ngut kiba la khlad kidei kiba na Dalu Chaipani ha West Garo Hills, kiba kynthup ia u Rajendra Nath 45 snem, ka kurim ka jongu ka Asha Nath 32 snem, u khun shynrang uba dang 8 snem u Ayush Nath, u Buran Madak 45 snem ryngkat bad u khun jongu u Shibraj Madak.
Kila don sa 6 ngut ki nongleit pilkrim kiba na Dalu Chaipani kila lait im na katei ka jingpluh ding bad kila ioh ban phet krad ban iada iala ka jingim.
Kane ka jingjia kala wanrah ia ka jingsngewsih ia ki paid jong ka West Garo Hills, ha kaba ka Sorkar Meghalaya kala iatreilang bad ki bor kiba dei khmih jong ka West Bengal halor kane ka jingjia kaba sngewsih.
