Shillong, Nailar 17 : Hadien ba la pynsangeh shipor, ka lShillong Premier League 2026 kan sdang biang lashai ka sngi Hatmajai ka 18 tarik Nailar, da ka jingiakhun hadpeng ka Meghalaya Police FT pyrshah ia ka lahduh ka samoi ba la dep-ka Langsning FC, kaban long ha ka por 4 baje nohphai sngi, ha SSA Stadium, Polo.
Kine ki ar kynhun kin rung sha kane ka jingiakhun, hadien ba ka Langsning FC ka la jop da 1-0 ia ka Sawmer SC, katba na ka MLP FT ka la pyniakhaid da mar shi kol bad ka Rangdajied United FC.
Shwa ia kane, kane ka lympung ka la lah ba kan sdang da ki 7 tylli ki jingiakhun, hynrei la hap ban pynsngeh noh shwa shipor, namar ka jingdon ka Durand Cup 2026, kaba la iashimbynta da lai tylli ki club ka SPL-ka Shillong Lajong FC, ka Langsning FC bad ka Nongkseh SSCC.
Ka daw ba la pynsangeh ka long ba na ka liang ka Nongkseh SSCC bad ka Langsning FC ki don da ka juh ka kynhun kaba iakhun ha ka SPL, lait noh ka Shillong Lajong FC kaba don da kawei pat ka kynhun ialehkai.
Kat kum ka prokram ba la pyllait, kiba bun na ki jingiakhun ka SPL kin long beit ha ka por 4 baje nohphai sngi, kampher ba kin don pat ki kato katne ki jingiakhun kiba kham heh ka iew ia die ia thied tiket la buh ban long ha ka por janmiet.
Kane ka lympung ialehkai kaba tang shi kylla (Single Leg) la thmu ban pynkut ia ka ha ka 10 tarik u bnai Risaw, ha kaba ki 6 tylli ki kynhun ba ioh khur bun poit kin jam pat sha ka SSA Super Cup.
Katba ka lahduh bad kaba wan ba-ar ha ka SPL kin bteng ba kin iakhun pat sa ha ka lympung ialehkai ka SSA Champions Cup.
