Guwahati, Nailar 17: U Myntri Rangbah ka Assam, u Himanta Biswa Sarma, ha ka sngi Nyngkong, u la ther tyngeh ïa ki nongïalam ka Congress Sonia Gandhi bad u Rahul Gandhi, halor ka jingkajia ia ka jingrwai “Vande Mataram” ha ka ophis jong ka Congress, ha ka por ba ki rakhe ïa ka Independence Day.
Kane ka jingïakajia ka la pynmih ïa ka jingïakajia kaba thymmai ha ka saiñ hima sima hapdeng ka BJP bad ka Congress.
U Sarma u la kynnoh ba ka Sonia Gandhi bad u Rahul Gandhi ki don ka “mission ban pyrshah ia ka ri” bad kynnoh ba ki pynshlur ia ki jingiakhih bad ki thaw ia ka jinglong jingman ka bym don ain.
Haba kynthoh halor kane ka jingïakajia, u Myntri Rangbah ka Assam u la buh jingkylli kaei kaba lah ban jia ïa ka ri lada ka Congress ka wanphai biang ha ka bor.
U la ong ba ka jingkynnoh jong ka Sonia Gandhi bad u Rahul Gandhi halor ka “Vande Mataram” ka pyni ba ka Congress ka lah ban buh jingma ia ka ri lada ka wan ha ka bor.
Shuh shuh u Sarma u la kynnoh ba ki nongialam ka Congress ki pynshlur ia ki briew ban iakhih bad ban wanrah ia ka jingkulmar, bad u la kynnoh ba ka jingiakajia halor u “Vande Mataram” ka dei ka jingkdew ia kaei kaba lah ban jia lada ka seng ka wanphai biang ha ka bor synshar.
Kane ka jingkynthoh ka la mih hapdeng ka jingïakynad ha ka saiñ pyrthei halor ka jingpynsawa ïa ka “Vande Mataram” ha ophis treikam jong ka Congress ha ka 15tarik Nailar.Ki nongïalam ka BJP ki la kynnoh ba ka Sonia Gandhi bad u Rahul Gandhi ki pyrshah pura ïa ka, katba ka Congress ka la kyntait ïa kitei ki jingkynnoh.
