Shillong, Nailar 17 : Haduh san ngut ki briew na Meghalaya, kynthup arngut ki khynnah, ki dei napdeng ki phra ngut kiba iap ha ka jingpluh ding hapoh ka Industrial Park kaba don ha Sevoke Road, Siliguri, West Bengal, ha ka janmiet sngi U Blei.
Kane ka Industrial park kala kem ding ha ka janmiet sngi U Blei, bad ki kynhun ai jingiarap bad ki Pulit pynlip ding kila hiar wut wut sha katei ka jaka ban iarap pyllait im ia ki briew.
Ki san ngut ki nong Meghalaya kiba iap ki dei kiba la ithuh kum ua Rajendra Nath, Asha Nath, Buran Madak, Shivraj Madak (10) bad Aushnath Madak (8). Baroh kine ki dei ki nongshongshnong ka Shib Bari Baghmara ha South Garo Hills, Meghalaya.
Ia kine ki lanot la ioh ban pynlait na ka ding hynrei namar ka jingmynsaw jur, ki dotor kila pynbna ba kila iap noh.
Ki lai ngut kiwei pat kiba iap ki kyrteng u Kamal Roy, Amit Pal bad Subir Saha kiba dei na Alipurduar.
Kat kum ka jingong ki bor Sorkar, ki kynhun ai jingiarap kila ioh ban pynlait haduh 34 ngut ki briew.
