Nongstoin, Nailar 13 : Ka kynhun Anti Narcotics Task Force (ANTF) ka West Khasi Hills, kala ioh ban kem ia arngut ki suba snar khaii droks ka sor Nongstoin bad ioh kurup palat 10.81 gram u heroin na ka met jong ki.
U Superintendent of Police Bah H Kharkongor u pyntip ba kine ki arngut ki dei u Teilang Lyngdoh ba 35 snem na ka shnong Sohlait bad u Pynkmenlang Kharjahrin ba 31 snem ba na Themiew, Nongstoin.
U iathuh ba ki Pulit kila ioh jingtip ba kine ki arngut kila wanrah ia u droks na ki district ba marjan da kaba pyndonkam ia ka local taxi ba don u nombor ML05-W-2576 bad mar mar, ka kynhun ANTF kala pynap shrip bad ioh kem ia ki ha ka shnong Tynrongladew.
Une u Heh Pulit u pyntip ba kine ki arngut kila pyrshang ban phet haba iohi ia ki Pulit ha ka shnong Nongjylliej bad ha ka jingbeh thong, ki Pulit kila ioh bat ia ki ha Tyngrongladew, ka shnong kaba don ha lynti jong ka surok Nongstoin-Nongkhnum.
U iathuh ba uwei na kine ki arngut ula ioh phet na ka kali hynrei ki Pulit kila kthong haduh ban da ioh kem ia u. Une uba phet u dei u Teilang Lyngdoh. Na ka met une uba phet la ioh kurup ia ki pla plastic kiba thep ia ki song droks bad haba thew la shem ia kawei ka song kaba don u heroin ba khia 10.81 gram bad kawei pat ba khia 0.09 gram.
Na ka met u Pynkmenlang Kharjahrin la ioh kurup ia u heroin ba khia 0.07 gram. Ia kine ki droks la kurup ha ka jingiadon lang ki nongsakhi shimet.
Kiwei kiwei pat ki tiar ba la ïoh kurup ki long ki thyrnia injek, ka pisa, ki vials ba thylli. Ia kine ki arngut la register case ha Nongstoin Police Station hapoh ki kyndon ka NDPS Act. Ka jingtohkit mynta kala iaid shakhmat.
 ka West Khasi Hills, kala ioh ban kem ia arngut ki suba snar khaii droks ka sor Nongstoin bad ioh kurup palat 10.81 gram u heroin na ka met jong ki.){kind=link}