Nongpoh, Nailar 13 : Ka Ri-Bhoi Commercial Pickup Owners & Driver Association (RBCPODA) kala leit pan jingshai na u District Transport Officer (DTO) ka Ri-Bhoi halor ka jingkynnoh pynslem ka Ophis jong u ban ai ia ki syrnot fitness jong ki kali pickup-kaba la ktah ia ka kamai kajih namar ka jingdain kuna ki Pulit.
Kane ka seng hapoh ka jingialam u President samla Standwell Manih, kala iakynduh markhmat ia u DTO Bah I Kharman ban pan jingshai halor bun kiei kiei.
Haba kren sha ki lad pathai khubor, u samla Standwell ula ong ba ka jingbat ka Ophis ia ki kot fitness wat hapdeng ba ki trai kali kila pyndep ia ki jingdonkam baroh bad siew ruh ia ki jinglut jingsep, kala buhha ka jingeh ia ki nongniah kali.
“Ka jingpynslem ka Ophis ia ki kot ki sla kaba buh jingeh ia ngi ban iaid kamai. Lada ngi sei kali ngi sheptieng sa ia ki Pulit ba kin bat bad dain kuna” ula ong.
Haba pynshai ia kane, u DTO ula pyntip ba ka jingslem kam dei na ka Ophis u DTO marwei hynrei ka long kat kum ka jingbthah kiba wan na ki bor ba halor.
U samla Standwell ula pyntip ba u DTO ula ai jingmut ia ka kynhun ban phah da ka jingthoh kaba shai halor ki jingeh kaba ki iakynduh khnang ba ka Ophis kan lah ban iakren bad ki bor ba dei peit bad ban wad ia ki lad ban weng ia kane ka jingeh.
 kala leit pan jingshai na u District Transport Officer (DTO) ka Ri-Bhoi halor ka jingkynnoh pynslem ka Ophis jong u ban ai ia ki syrnot fitness jong ki kali pickup-kaba la ktah ia ka kamai kajih namar ka jingdain kuna ki Pulit.){kind=link}