Imphal, Nailar 13: Ka National Investigation Agency (NIA) ka la kem ïa u nongshah kynnoh ba nyngkong jong ka ha kaba ïadei bad ka jingshah thombor da u bom IED ha ka 7 tarik Iaiong ha kawei ka ïing sah briew kaba don ha Tronglaobi Awang Leikai, Moirang, Manipur, kaba lam sha ka jingïap ïa arngut ki khynnah rit bad pynmynsaw ïa uwei pat u briew.
Utei u nongshah kynnoh uba la tip kyrteng kum u S. Palal Thadou, u la shah kem ha ka por ba ka NIA ka dang pynjur ia ka jingtohkit halor ka jingthombor bad ka network kaba kham heh kaba la kynnoh ba donkti.
Katkum ka NIA, ki lehnoh ki la pynbthei da ka tiar pynbthei kaba la shna hi na lum ha kawei ka iing sah ha ka 7 tarik u Iaiong, kane ka jingbthei ka la pynmynsaw jur ia lai ngut ki dkhot jong ka iing, kynthup ia arngut ki khynnah kiba hadien ki la khlad noh namar ka jingmynsaw jong ki.La lap ruh ia ka RPG kiba khlem bthei na katei ka jaka.
Ia kane ka mukotduma la register nyngkong ha Moirang Police Station bad hadien la shimti noh da ka NIA.La pynrung kyrteng biang ia ka ha ka 23 tarik Iaiong katkum ki kyndon jong ka Bharatiya Nyaya Sanhita, ka Explosive Substances Act and Unlawful Activities (Prevention) Act.
Ha ka jingtohkit, ka NIA ka la ong ba ka jingdonkti jong u Thadou ha katei ka kam thombor ka la paw pyrthei.Kham mynshwa ia u la shah kem ha ki Pulit ka Churachandpur ha kaba iadei bad kawei ka ejahar bad hadien kata da ki Pulit ka Bishnupur ha kawei pat ka mukotduma shwa ban rah ia u ha ka kti jong ka NIA.
La rah ia u Thadou hakhmat ka Special NIA Court ha Imphal, kaba la pynngat ia u ban shong 10 sngi hapoh ka police custody.
Ka tnad ka la ong ba ka jingtohkit kaba kham bniah ka dang iaid shakhmat ban lap bad kem ia kiwei pat ki briew kiba la kynnoh ba ki donkti ha katei ka jingthmu bad ban lap ia ka network kaba kham heh kaba don shadien jong katei ka jingshah thombor.
Kane ka jingshah kem ka long haduh saw bnai hadien ka jingbthei ba shyrkhei kaba la pyniap briew bad ka dei ka jingkylla kaba khraw ha ka jingtohkit halor ka jingshah thombor kaba la shim ïa ka jingim jong arngut ki khynnah hapoh ïing jong ki.
 ka la kem ïa u nongshah kynnoh ba nyngkong jong ka ha kaba ïadei bad ka jingshah thombor da u bom IED ha ka 7 tarik Iaiong ha kawei ka ïing sah briew kaba don ha Tronglaobi Awang Leikai, Moirang, Manipur, kaba lam sha ka jingïap ïa arngut ki khynnah rit bad pynmynsaw ïa uwei pat u briew.){kind=link}