Shillong, Nailar 07 : U Myntri ka Tnad Pule Puthi Bah Lahkmen Rymbui ha ka sngi Thohdieng ula iathuh ba ka Sorkar Pdeng kala pyllait ia ka bhah ba dang sah jong ki nonghikai SSA bad ia ka tulop u bnai Jymmang, Jylliew bad Naitung yn sa siew noh shen.
Haba kren sha ki nongthoh khubor, u Bah Rymbui ula ong ba ki nonghikai kila ioh tang ia ka bha ka Jylla naduh u Iaiong namar ba ka slem ka song pisa ka Sorkar Pdeng.
“Nga la kren ia kane ha ka jingialang ki Myntri ka kam Pule Puthi ha Delhi myn ha ka 22-23 tarik Naitung. Nga la pyntip ia ka Sorkar Pdeng ba ha Meghalaya ngi la pyllait tang ia ka bhah ka Jylla” ong u Bah Rymbui.
U iathuh ba u Myntri ka Sorkar Pdeng ula kular ba ia ka song pisa yn sa pyllait noh hapoh ka shitaiew.
“Ia ka pisa la dep ban pyllait sha man ki District. Ia ka bhah ka Sorkar pdeng ba dang shen jong u bnai Jymmang, Jylliew bad Naitung yn sa siew sha ki nonghikai ha kine ki sngi ban wan” bynrap u Myntri.
