Shillong, Nailar 03 : Ka kylla ialehkai kaba ar (second Round) ka Shillong Premier League 2026 kan long biang lashai ka sngi Hatmajai, bad ki artylli ki kynhun-ka Rangdajied United FC bad ka Sawmer SC kin iakhun tban ioh khur ia ka lai point ba pura.
Kane ka jingiakhun kan long ha ka por 4 baje nohphai sngi ha SSA Stadium, First Ground, Polo.
Haba phai sha ka jingiakhun jong ka kylla ba nynngkong , ka Sawmer SC ka la mad ia ka nam rem da 1-0 hakhmat ka lahduh ka samoi ialehkai ba la dep, ka Langsning FC, katba ka liang ka Rangdajied United FC hapdeng ka jingiakhun kaba tyngeh ka la lah ba kan iakhaid da mar shi kol bad ka MLP FT.
Ka Rangdajied ka dei ka klob kaba wan ba-ar kumba hynniew sien ha kane ka lympung bad ban rah teng shisien ha ka samoi ialehkai 2013.
Ha kane ka samoi ialehkai kaba mynta, ka klob ka la pyrshang ban pynkhlain ia la ka kynhun ha kaba u Dameki Khongstia udei u khynnah ialehkai ba kynsai bad ba tbit tam, kam pher ba ha ka jingiakhun kaba la dep, u la hap ban wanphai noh sha ka ben shong, ia kaba la suba ba imat u la shitom, ia kaba la bynrap lang sa ka jingdon u Henryford Nongneng uba la wan na Shillong Lajong FC, kaba la iarap ban kham pynskhem bha shadien ia kane ka kynhun.
Haba phai sha ka Sawmer SC, na ka jingiakhun jong ka wat ba nyngkong ka la lah shisha ba kan sei ia ka buit ialehkai ba kynsai, kaba don ruh ki khep ba i kumba kan khyrwit syndet syndet ia ka Langsning lyngba ki counter attack.
Ka Sawmer SC ka don ruh ia ki kato katne ki rang ialehkai ba thymmai ba ka la pynrung sha la ka kynhun kynthup ia u Raikutshisha Buam bad u Banteilang Lyngdoh, bad ha kane ka jingiakhun ka shi kol ba ki la shah thep ha ka Langsning FC ka dei tad haduh ka minit kaba 81.
 ka Shillong Premier League 2026 kan long biang lashai ka sngi Hatmajai, bad ki artylli ki kynhun-ka Rangdajied United FC bad ka Sawmer SC kin iakhun tban ioh khur ia ka lai point ba pura.){kind=link}