Shillong, Nailar 03 : Ka North Eastern Hill University (NEHU) kala ai mynjur ban ai ia ka No Objection Certificate ia ki arngut ki professor kiba la mih ban iakhun ia ka elekshon shiteng samoi ban wan na ka Shillong Lok Sabha constituency.
Ia ka NOC la ai sha u kyrtong ka National People’s Party (NPP) Dr DRL Nonglait uba dei na ka Khasi Departmen, bad u kyrtong ka Voice of the People Party (VPP) Prof Batskhem Myrboh uba dei na ka Political Science Department.
Ka khubor ka iathuh ba ia kane ka rai la shim ha ka jingialang kyrkieh ba 88 jong ka Executive Council ka NEHU myn ha ka 30 tarik Naitung.
Ka shithi ba pynmih da u Joint Registrar ka pynthikna ba ka EC kala ai jingbit ia baroh arngut ki professor ba kin iakhun ia ka elekshon Lok Sabha.
U Prof Myrboh ula leit ban tied ia ka jingkhang ka Iingkashari Meghalaya High Court ba kyrpad ban tuklar halor ka jingkynnoh pynslem ban ai NOC.
Da ka jingioh ia ka NOC, baroh arngut ki kyrtong kila long laitluid ban iaid ialap elekshon.
Ia ka elekshon shiteng samoi ka Shillong Lok Sabha la pynlong hadien ka jingkhlad noh u MP bad Professor ka NEHU Dr Ricky AJ Syngkon myn ha ka 19 tarik Rymphang mynta u snem.
Ka Shillong Lok Sabha constituency ka kynthup haduh 36 tylli ki Assembly constituency kiba don ha kylleng ka ri-lum Khasi bad Jaintia.
 kala ai mynjur ban ai ia ka No Objection Certificate ia ki arngut ki professor kiba la mih ban iakhun ia ka elekshon shiteng samoi ban wan na ka Shillong Lok Sabha constituency.){kind=link}