Shillong, Naitung 31 : Ka Business Advisory Committee ha ka sngi Thohdieng, kala pynbna ba ka Dorbar Synrai jong ka Iingdorbar Thaw Ain ka Jylla kan long 5 sngi naduh ka 24 tarik Nailar haduh ka 28 tarik Nailar.
Haba kren sha ki nongthoh khubor hadien ka jingialang, u Lamphang ka Iingdorbar Thomas A Sangma ula ong ba ka Committee da kawei ka sur kala mynjur ia kine ki sngi shong dorbar synrai.
Kiba iashim bynta ha ka jingialang ka BAC ki kynthup ia u Symbud Myntri Rangbah ba khmih ia ka Parliamentary Affairs Bah Prestone Tynsong, u Nongialam ka Liang Pyrshah Mukul M Sangma, u Chief Whip ka Liang Pyrshah Bah Charles Pyngrope, u Secretary ka Assembly Malthus S Sangma bad kiwei ki dkhot.
“Ka BAC kala mynjur da kawei ka sur ia ka calendar jong ka Dorbar Synrai” ong u Lamphang.
Ka Dorbar kan don 3 sngi na ki bynta ban iakren ki kam ka Sorkar bad 2 sngi na ka bynta ki kam jong ki dhot shimet.
Halor ka jingsngewkhia ia ka jinglyngkot ka por, u Thomas ula kubur ia ka jinglyngkot ka por hynrei ula kular ia baroh ki dkhot ba kin ioh lut ia ka lad ban kren.
“Ka jingai ia ka pork a long ka kam kaba kongsan. Ngan pyrshang kat kaba lah ban ailad ia baroh ki dkhot ba kin pynpaw iala ki jingsngewkhia bad ki mat hapoh ka Iingdorbar” ula ong.
