Imphal, Naitung 25: U Myntri Rangbah ka Meghalaya bad National President ka National People’s Party (NPP) Conrad K. Sangma ha ka sngi thohdieng ula Iakynduh ia u Myntri Rangbah ka Manipur Khemchand Yumnam Singh, ha ryngkat bad arngut ki Nongialam kaba pynskhem biang ia ka jinglut jingmut na baroh arliang ban wanrah ia ka roi ka par kaba neh bad kaba kynthup lang ia baroh.
Ia u Conrad la synran da u President ka NPP Manipur Dr. Lorho S. Pfoze, u Myntri sorkar Kh. Loken Singh, bad MLA ka NPP ha ka jingleit Iakynduh ia u Myntri Rangbah hapoh ka jingsah jong u.
Haba shim ia ka jingiakynduh kum kaba sngewtynnad bha, u Khemchand ula pdiang sngewbha ia ka Kynhun ka NPP bad iakren ruh halor kiba bun ki kam kiba iadei bad ka Jylla.
Ha kane ka jingiakynduh, ka Kynhun ka NPP kala aiti ia ka dorkhas kaba batai ia ki jingangnud bad ki kam ba hakhmat eh ka party. U Khemchand ula pynpaw ba ia kine ki jingai jingmut un sa buh hakhmat eh ban shong pyrkhat.
“Nga ngeit skhem ba ngin iai bteng ban burom ia ki nongrim ka jingiatreilang bad ka thong na ka bynta ka roi ka par kaba neh bad ba kynthup lang ia baroh” ong u Khemchand hadien ka jingialang.
Kane ka jingiakynduh kala wan jia hashuwa jong ka Convention ba shisien shisnem jong ka NPP ha Manipur bad la iohi ruh ia ka kum ka jingiakren sain pyrthei kaba kongsan hapdeng ki Nongialam bad ka Sorkar Jylla, da kaba phaikhmat sha ka jingpynkhlain ia ka jingiatreilang bad ka roi ka par.
 Conrad K. Sangma ha ka sngi thohdieng ula Iakynduh ia u Myntri Rangbah ka Manipur Khemchand Yumnam Singh, ha ryngkat bad arngut ki Nongialam kaba pynskhem biang ia ka jinglut jingmut na baroh arliang ban wanrah ia ka roi ka par kaba neh bad kaba kynthup lang ia baroh.){kind=link}