New Delhi, Naitung 24: Ka National Testing Agency (NTA) jong ka ri kala pynkhreh ia ka jingpynkylla kaba khraw, ha kaba ka Sorkar Pdeng kala weng kam haduh 47 ngut ki nongtrei halor ka jingsuba jur ha ka jinglait tuh jong ki jingkylli.
Ia kane ka rai la shim ha ka 20 tarik u Naitung, kum shi bynta jong ka jingpyrshang ha ka ri baroh kawei ban pynneh ia ka jingshaniah ha ki eksamin kiba la pynlong ha ka ri, hadien ba kila mih ki jingkynnoh ba kala don ka jinglait tuh jong ki jingkylli jong ka eksamin NEET-UG ha une u bnai, kaba la lam sha ka jingiakhih ki samla pule ha kylleng ki jaka.
Ia kane ka rukom khmih bniah la phaikhmat ruh sha ka thain shatei lammihngi ka ri, ha kaba da ki lak ngut ki samla pule kiba shaniah ha ka National Entrance Examinations ban ioh ia ka admission ha ki college kiba tbit.
Ki samla pule ha kylleng jong ka ri kila dawa ba dei ban leh da kaba tyngeh pyrshah ia kito kiba donkti ha kaban leh tuh ia katei ka eksamin bad ban wanrah ia ki jingkylla ban pynthikna ba kadei ban long shuh shuh kaba khuid ba suba bad kaba don iaka dor ha ka rukom pyniaid ia ki eksamin.
U Myntri Rangbah duh ka ri ula pynthikna ia ki samla pule ba kito kiba donkti ha katei ka jingelh tuh ia ka eksamin kan ym don ka jingmap ia ki bad ka iengskhem ha ka jingkular ka sorkar ba kan ym iapeiñ, ka bym shah liang bad ka khuid ka suba ha ka rukom pyniaid ia ki eksamin.
Ha kawei pat ka liang, ka Kynhun Myntri jongka Sorkar Pdeng kala ai jingmynjur ia ki 10 tylli ki jingtyrwa ban wanrah da ka ain ban tehlakam ia ki jinglait tuh ki jingkylli hapoh ka ri, da kaba pynsajia haduh 10 snem ia kito kiba donkti ha kaban leh thok ia ki eksamin. Lada pyntreikam, ki nongleh bakla kin mad ia ka jingshah pynsajia hapoh ki kyndon jong ka jingleh ia ki kam runar da kaba iasuhbuit.
Hapoh jong katei ka kyndon aiñ kaba la tyrwa, kino kino ki riewshimet ne kynhun kiba donkti ha kaban laittuh ki jingkylli, ban leh tuh, ban ak kum kiwei pat ki briew ne ban pynjulor ia ki kor digital (digital tampering) kin mad ia ka jingshah pynsajia ban siew haduh T.10 Klur.
Kane ka jingthmu jong ka jingwanrah ia ka jingkylla, kadei kawei na ki sienjam kiba khraw ban shimkhia ia ka jingbitar jong ki paitbah halor ka jingleh tuh ia ki eksamin bad ban pynneh pynsah biang ia ka jingai jingshaniah hapdeng ki phew lak ngut ki samla pule, kaba ka lawei ka jongki kan shong eh ha ka rukom pynlong ia ki eksamin kaba iaid beit iaid ryntih.
 jong ka ri kala pynkhreh ia ka jingpynkylla kaba khraw, ha kaba ka Sorkar Pdeng kala weng kam haduh 47 ngut ki nongtrei halor ka jingsuba jur ha ka jinglait tuh jong ki jingkylli.){kind=link}