Guwahati, Naitung 22: Ki kynhun pynlait im kiba ïakhun pyrshah ïa ki lyer ba sniew bad ki jinglong jingman kiba shyrkhei ki la poi ha ka sngi kaba lai jong ka jingtreikam ha ka sngi Balang hadien ka jingbthei jong ka methane gas hapoh ka tunnel pynmih bor ding kaba dang shna ha South Sikkim ka la shim ïa 20 ngut ki mynsiem briew, kaba la pynlong ïa ka kum kawei na ki jingjia aksiden kaba shyrkhei tam ha ka jylla.
Kane ka jingjia ba sngewsih ka la jia ha ka sngi Nyngkong ha ka tunnel ADIT-3 jong ka NHPC Teesta Stage-VI Hydroelectric Project kaba don ha Samardung ha Namchi District, ha kaba la ngeit ba ka jingpyllait kynsan jong ka methane gas kaba sahkut hapoh ki maw ka la pynlong ïa ka jingbthei. Ka jingbthei ka la pyndap ia ka tunnel da ka tdemkaba jur bad ki lyer bih, kaba la pynlong ia ki 25 ngut ki nongtrei bad ki heh jong ka projek ban sahkut.
Katkum ka Superintendent of Police ka Namchi, ka Sonam D. Bhutia, 20 ngut na ki 25 ngut kiba la sah kut mynta ki la iap, katba 5 ngut pat ki dang sahkut shapoh tunnel. Ki nongpyllait im ki la ioh kurup ia 12 tylli ki met iap, ha kaba hynniew na kine la ithuh.
Kine lanot ki kynthup ia saw ngut ki nongbylla na Jalpaiguri ha West Bengal bad mar uwei uwei na Assam, Punjab, Uttarakhand’s Dehradun bad Namchi ha Sikkim.
Ka jingpyrshang ban pyllait im ka la nang suki namar ka jingdon jong ki lyer bih hapoh katei ka tunnel.Ki heh ophisar ki la ïathuh ba katto katne ngut ki nongpyllait im ki la mad ïa ka jingeh ban ring mynsiem katba ki dang pyrshang ban poi sha ki nongtrei kiba la sahkut, kaba pynpaw ïa ki jingma kiba ki nongtrei ki ïakynduh.
Ki tnad bapher bapher, kynthup ïa ka National Disaster Response Force (NDRF), State Disaster Response Force (SDRF), Sikkim Police, Fire and Emergency Services, ki bor pyniaid district bad ka specialised mining rescue team na West Bengal, ki dang trei baroh shisngi ban peit ia ka jinglong jingman jong ka tunnel bad ban bteng ïa ka jingpynkhreh ïa ki jingwad.
Ki bor ba dei peit kim pat lah ban pynthikna ia ka daw thikna jong katei ka jingbthei, hynrei ki jingpeit bniah ba nyngkong ki pyni ba ka jingtih maw ka ba lah ban don ka jingbthei ba shyrkhei kiba la sahkut hapoh u maw, kaba la pynlong ia katei ka jingbthei kaba shyrkhei bha.
Kane ka tunnel ka dei ka bynta jong ka Teesta Stage-VI Hydroelectric Project, ha kaba la khmih lynti ba kin don ki jingtohkit halor ka daw jong ka jingjia ynda la dep ban pynlait im.
