Shillong, Naitung 22: U kaitor ka jylla Meghalaya samla Kitkupar Nongsiej u la wanrah ia ka nam bad ka jingithuh iaka Jylla bad iaka ri ha ka pyrthei baroh kawei da kaba ioh khur ia 3 tylli ki takma ksiar, 2 tylli ki takma rupa bad ia ka khusnam First Place Scholarship Award haka lympung kob rwai World Championships of Performing Arts (WCOPA) 2026 kaba la long Las Vegas.
Watla u khlem la poi shaka thong ban khur iaka khusnam Grand Champion Performer hynrei u samla Kitkupar u la paw kum uwei na ki nongrwai ba pawnam jong ka India ha kane ka lympung iakob rwai da kaba ïakhun pyrshah ïa ki nongrwai ba tbit na palat 70 tylli ki ri.
U nongrwai ka Meghalaya u la pynsngewtynnad ïa ki nongbishar da ka jingrwai jong u ha ki jait jingrwai bapher bapher, ha kaba u la ïoh 2 tylli ki takma ksiar bad 2 tylli ki takma rupa.
Ka jinglah jong u ban rwai haki bun bynta ka la pynlong ruh ïa u ban ioh sa kawei pat ka takma ksiar hadien ba u la jam shaka thup Top Five Vocalists jong ka pyrthei.
Ka jingjop jong u samla Kitkupar kala pynsngew sarong ia ka jylla Meghalaya, ka thain shatei lammihngi bad ka ri India, ha kaba ka Don Bosco ka la batai ba kane kadei ka jingleh bha jong u samla, ka jinglong ryntih bad ka jingminot.
Watla um shym la ioh iaka khusnam kaba heh tam hynrei ka jingïoh takma jong u samla Kitkupar ka la pynskhem ïa u napdeng ki samla ba don jingkyrmen tam jong ka India bad buh ïa ka Meghalaya ha ka map jong ka pyrthei.
 2026 kaba la long Las Vegas.){kind=link}