Jowai, Naitung 15 : Ka Jaintia Hills Autonomous District Council (JHADC) kala ujor da ka ejahar pyrshah ia ki dkhot ka JNC bad JSU lem bad kiwei ki kynhun hadien ka jingkynnoh ba kila pynjulor ia ki jingdon jingem ka Council bad byrngem ia ki nongtrei ha ka jingwan tur paidbah sha Ophis ka JHADC ha ka sngi Ba-ar.
Ia kane ka jingiakhih la pynlong halor ka jingdawa ba ka JHADC ka dei ban pynduh noh ia ka NoC bala ai sha ka Shree Cement ba kan tih mawshun ha Lum Shyrman ha Elaka Nongkhlieh bad ban weng kam syndon ia u Dolloi ka Elaka.
Ki nongiakhih kila kynnoh ba u Dolloi bad ki dkhot ka Elaka kila pyndonkam ia ka bor ban kmieh ia ki jaka rep ha Lum Shyrman bad aiti sha ka Shree Cement.
Kane ka jingiakhih kala poi sha ka jingkulmar hadien ba ki Pulit kila khang ia ka jingia iaid paidbah.
Kat kum ka jingong u CEM Bah Thombor Shiwat, ki nongiakhih kila kyndang jubor ia ka khyrdop ban rung sha phyllaw (main gate) bad kawei ka khyrdop ban rung sha Ophis, kaba lam sha ka jingpynjulor ia ka jingdon jingem ka Council.
“Ki kam jong ki ki dei ki jingleh da ka bor. Kila pynjulor ia ki jingdon jingem ka council, byrngem ia ki nongtrei ka council bad pynthut ia ka jingtreikam ka council” ong u Bah Thombor haba iakren bad ki nongthoh khubor.
Ula ong ba ka EC ka pynrem jur ia ka jingpyndonkam da kaba bor ha ka jaka ka jingiakren, watla ma u bad ki dkhot ka EC kila don hapoh Ophis bad long kiba kloi ban iakren.
“Ngi dang mut ba ki kwah ban iakren…hynrei kim shym la ong eiie. Haba ki Pulit kila khang, kila pyni bor bad pynjulor ia ka khyrdop” ula ong.
U Bah Thombor ula pyntip ba ka Council kala ujor ia ka ejahar pyrshah ia kine ki nongiakhih ba pynjulor ia ki nongkynti ka Council.
 kala ujor da ka ejahar pyrshah ia ki dkhot ka JNC bad JSU lem bad kiwei ki kynhun hadien ka jingkynnoh ba kila pynjulor ia ki jingdon jingem ka Council bad byrngem ia ki nongtrei ha ka jingwan tur paidbah sha Ophis ka JHADC ha ka sngi Ba-ar.){kind=link}