Shillong, Naitung 06: Ka Jylla Meghalaya ka la pyndep ban tei pynbha i ia ki 1,391 tylli ki skul Government Lower Primary (LP) hapoh ka prokram Mission Education, kaba long kawei na ki program kaba heh tam ban maramot bad pynbha ia ki skul hapoh ka Jylla.
Katkum ka tnat Pule Puthi, la shim 1,607 tylli ki skul LP ban maramot bad pynthymmai ha kylleng ka jylla, ha kaba ka kam mynta kala iaid palat 86 percent bad ka jingmaramot mynta ka dang iaid sa ha ki 216 tylli ki skul.
Kane ka program kaba la kyrshan da ka jingbei tyngka kaba jan T.1,000 klur, ka kynthup ïa baroh 12 tylli ki district bad ka kynthup ïa ka jingtei, maramot bad jingpynbha ïa ki lower primary, upper primary, secondary bad higher secondary schools.
Ka Sorkar ka la ong ba palat 2 hajar tylli ki projek pynbha skul la shim hapoh ka Mission Education. Nalor ka jingshna pynbha ïa ki skul ba la don lypa, kane ka program ka la pyndep haduh 191 tylli ki LP School kiba thymmai ne kiba la pynkiew kyrdan bad 7 tylli ki upper primary school hapoh ka Phase I, katba 100 tylli ki LP school la mang hapoh ka Phase II. Sa 117 tylli ki LP school kiba dang iaid ka kam hapoh ka Phase III, bad 186 tylli ki jingtei thymmai jong ki LP school bad Secondary School kiba dang don hapdeng ka jingkhot thep Tender ha ka Phase IV.
Ki heh Sorkar ki la iathuh ba ki kam ki kynthup ia ka jingpynbha ia ki tnum, ki kynroh, ban pynbun mala, ki jingkhang bad ki jingkhang iit, ryngkat bad ka jingpynbun kamra class, ki library, ki tiar bad ka jingpynbha ia ki jaka leit shabar.
La pynkiew kyrdan ruh ia ki Upper Primary School hapoh kane ka Mission.
Ka tnad pule puthi ka la ong ba ka la buddien ia ka jingiaid shaphrang jong kine ki project lyngba ka Geotag ban pynthikna ba ki kam ki iaid beit iaid ryntih.
Haba batai ia kane ka Mission kum ka jingpynkylla stet ia ki jingtei jong ki skul hapoh ka Jylla, ka Sorkar ka la ong ba ka Mission Education ka thmu ban pynbha ia ki jaka pule ha kylleng ka Meghalaya kaba pyni iaka jingmang tyngka kaba heh tam ha ka ka pule puthi ha kine ki snem ba la dep.
 hapoh ka prokram Mission Education, kaba long kawei na ki program kaba heh tam ban maramot bad pynbha ia ki skul hapoh ka Jylla.){kind=link}