Shillong, Jylliew 18: Ka Power Grid Corporation of India Limited kala sdang pyntreikam ia ka 25 KWp off-grid Rooftop Solar Plant ha shnong Mawlyndep hapoh jong ka CSR programme, da ka jingthmu ban kyrshan ia ki jingri ia ka jingkamai lyngba ka jingri dohkha hapoh Ri Bhoi district.
Kane ka projek kaba T.18.49 Lak kaba la ai kyrteng “Supply, Installation and Commissioning of 25 KWp Solar Plant for Community Cluster-Based Intervention in Emerging Aquaculture Production and Post-Harvest Management”, lah aiti hynne ka sngi Palei.
La pynwandur ban ai ia ka jingkhuid, ka bording kaba lah ban shaniah na ka bynta ki kam rep bad ki kam pynmih, da kaba weng noh ia ka jingshaniah tylli ha ka Conventional Energy hynrei da kaba pynkhlain ia ka jingpynmih na ka bynta ki nongrep kiba ri ia ki dohkha.
U Deputy Commissioner ka Ri Bhoi u Dr Abhishek Saini ryngkat bad ADC & DRDA Project Director R Brahma, Superintendent ka Fishery Bah M Khongjliw, bad POWERGRID NERTS DGM (HR) Tathagat kila wan iashimbynta ha kane ka jingailang aiti ia kane ka projek.
Ki ophisar ka DRDA, Tnad Fisheries, POWERGRID bad ki nongmihkhmat na ki shnong ruh kila wan ban ia donlang.
Ka POWERGRID kala ong, ba kane ka jingbuh ia ka Solar Light kadei shi bynta jongka jingialeh jongka ban tynruh ban pyndonkam ia ka bording ne Renewable Energy ha ki thain nongkyndong bad ban pynkhlain ia ki jingtei lyngba ka jingbuh thong ha ka CSR.
