Nongpoh, Jylliew 18 : Ka Federation of Khasi Jaintia & Garo People (FKJGP) Baridua Circle, kala pynpaw ia ka jingpyrshah haba iadei bad ka jingpyndait ia ki Smart Meter ha ki katto katne ki Iing ha ka thain Baridua.
Kane ka Seng kala leit iakynduh ruh ia u Executive Engineer ka Meghalaya Power Distribution Corporation Limited (MePDCL) ha Byrniar bad buh ia ka jingujor pyrshah.
U President ka FKJGP-Baridua Circle samla Denis Nongrum ula iathuh ba ka jingpyrshah ka dei namar ka jingud jingnam jong ki nongshongshnong ba kiew shaba palat ka bai pyndonkam bording naduh ba pyndonkam da ki Smart Meter haba nujor bad ka bai bording ba ju siew baroh shikatta.
U iathuh ba ka Seng kala iakynduh ia u EE ka MePDCL bad pynpaw ia ka jingeh jong u paidbah. Ula ong ba ki nongshongshnong khamtam ki longiing kiba duna ka jingioh kila shah ktah jur bha namar ka jingkiew ka bai bording.
Namar kata, ula kyrpad ia une u Engineer ba ka Tnad kan ailad ia ki paidbah ba kin pyndonkam beit da ki meter kiba rim.
 Baridua Circle, kala pynpaw ia ka jingpyrshah haba iadei bad ka jingpyndait ia ki Smart Meter ha ki katto katne ki Iing ha ka thain Baridua.){kind=link}