Wokha, Jylliew 16: Ka jingklumar kala mih kynsan ha ka sor Wokha jong ka jylla Nagaland ka por ba thep vote na ka bynta ka bye-election jong ka Ward No. 8 (Tsumang B) ha ka sngi Ba-ar hadien ba u kyrtong ka BJP u Mhomo Humtsoe bad ar ngut ki nongpeit pyrman jong ka party, la kynnoh ba ha shwa ban sdang ka jingthep vote kila shah shoh bad kane kala pynlong ia ki bor ba dei khmih ban pynjari da ka Section 163 of the Bharatiya Nagarik Suraksha Sanhita (BNSS).
Katkum u Humtsoe, kane ka jingjia ka la jia ha ka por kumba 4.30 mynstep ha ka por ba ma u bad arngut ki nongpeit pyrman ka BJP ki dang leit ban jurip ia kane ka jaka thep vote shwa ban sdang ka jingthep vote.La kynnoh ba ka kynhun ki riew shimet ki la ialeh pyrshah bad thombor ia ki, kaba la pynlong ia u kyrtong ka BJP ban mynsaw.
U Humtsoe u la iathuh ba ia katei ka kam la pyntip mar mar sha ki pulit bad la ujor ruh da ka FIR.U la kynnoh ba uwei na ki nongshah kynnoh, uba la tip kyrteng kum u Zubemo, u la shah rah ha ki pulit.
“Ngi pyrshang ban pynthikna ia ka elekshon kaba laitluid, kaba hok bad kaba suk, hynrei kum kine ki jingjia ki long kiba sngewsih bad pynthut ia ka rukom synshar paidbah,” la ong u Humtsoe.
Kane ka jingshah thombor kaba la kynnoh ka la pynmih ïa ka jingsngewkhia halor ka suk ka saiñ ha ka ward, kaba la pynlong ïa u Deputy Commissioner ka Wokha bad District Magistrate u K Mhathung Tsanglao ban pynmih ïa ki hukum khang pyrshah katkum ka kyndon 163 BNSS.
Da kaba kdew ïa ki jingai jingmut ha kaba ïadei bad ka jingïakynad bad ka jinglah ban pynthut ïa ka suk ka sain, ka bor synshar distrik ka la pynjari ïa ki jingkhang kaba pyrkhing bha mardor ha kylleng ka Ward No. 8 na ka bynta ka jingïaid beit jong ka elekshon.
Ka order ka khang pyrshah ia ka jingialum beain palat san ngut, ka jingrah ia ki tiar pynmynsaw bad ki tiar kiba lah ban pyndonkam kum ki tiar ialeh, ka jingpyntieng ia ki nongthep vote bad ki nongtrei elekshon, ki kam ne jingkren kiba pynkhihwin, bad ka jingkhanglad ia ki nongtrei thep vote, ki bor pahara ne ki nongthep vote.
Ki heh ophisar ki la ong ba ïa kine ki jingkhang la pynjari kum ka lad jingïada ban pynthikna ïa ka jingthep vote kaba laitluid bad kaba hok hapdeng ki jingeh kiba mih ka jingsngewkhia.
Na ka liang ka bor district ki la bthah ïa u Superintendent of Police ka Wokha ban pyntreikam tyngeh ïa kane ka hukum bad maham ruh ba kino kino kiba pynkheiñ kin ngat ha ki kyndon aiñ katkum ka Bharatiya Nyaya Sanhita.
Kane ka jingjia ka la wanrah ruh ïa ka jingkynthoh kaba jur na u Symbud Myntri Rangbah ka Nagaland bad Myntri kam Pohïing ka Jylla u Yanthungo Patton, uba la pynrem ïa kane ka jingshah thombor.
“Ka jingleh donbor, ka jingbyrngem bad ka jingpyrshang ban pyntieng kam don jaka ha ka synshar paidbah.Ia ka elekshon dei ban rai da ka mon jong ki paidbah lyngba ka vote, ym lyngba ka jingpyntieng ne jingpynthut,” la ong u Patton ha ka jingthoh jong u ha ka X.
Strongly condemn the reported incident of intimidation and physical assault involving our @BJP4Nagaland candidate Shri Mhomo Humtsoe during the Ward-8, Tsumang B by-election process.
Violence, threats, and attempts to create fear have no place in a democracy. Elections must be…
— Yanthungo Patton (@YanthungoPatton) June 16, 2026
U la kyntu ia ki nongtrei sain pyrthei bad ki nongkyrshan ba kin long kiba jai jai bad u la kyrpad ia baroh ki seng ba kin bat ia ka jinglong kyntang jong ka rukom jied nongmih khmat.
 ha ka sngi Ba-ar hadien ba u kyrtong ka BJP u Mhomo Humtsoe bad ar ngut ki nongpeit pyrman jong ka party, la kynnoh ba ha shwa ban sdang ka jingthep vote kila shah shoh bad kane kala pynlong ia ki bor ba dei khmih ban pynjari da ka Section 163 of the Bharatiya Nagarik Suraksha Sanhita (BNSS).){kind=link}