Shillong, Jylliew 04 : U Myntri kam Pohiing ka Ri Amit Shah ha ka sngi Palei ula ong ba ka Sorkar u Modi kala “pynlait ia ka thain Shatei Lam Mihngi na ka tyrsim ka jingjot namar ki kam kaikhlaw” haba kdew ia ka jingwan pyndem wait jong ki palat 10,800 ngut ki samla kiba la wan phai pat sha ka imlang sahlang ha kine ki 12 snem bala leit.
Haba kren ha ka jingialang 73rd Plenary ka North Eastern Council (NEC) ha Shillong, u Amit Shah ula ong ba ki jingpyrshang ba iai bteng ban wanrah ia ka jingsuk bad ka jingwan ka roi ka par kala pynkylla ia ka thain.
In the NEC meeting instructed CMs to shift the focus from law and order to shielding the rights of citizens, as insurgency is no longer an issue.
Directed states to build AI, machine learning and blockchain infrastructure for new generations. Also instructed to market the… pic.twitter.com/o8PTo5dhiz
— Amit Shah (@AmitShah) June 4, 2026
“Ka Sorkar u Modi kala pynlait ia ka thain Shatei Lam Mihngi na ka tyrsim ka jingjot namar ki kam kaikhlaw” ong u Amit Shah.
Ula ainam ia kane ka jingkylla sha ki sienjam ban wanrah ia ka jingsuk hapoh ka jingialam u Myntri Rangbah Duh ka Ri Narendra Modi. “Ha kine ki 12 snem bala leit, palat 12 tylli ki soskular iasuk la iasoi ban pynkut ia ki kam umsnam hapoh ka thain Shatei Lam Mihngi bad palat 10,800 ngut ki samla la wanrah pat sha ka imlang sahlang hadien ba kila pyndem wait”.
U Amit Shah ula pyniasnoh ia ka jingwan phai ka jinglong ba jai jai sha ka jingkiew jong ka thain, haba pynksan ba ka suk ka sain ka dei ka nongrim jong ka jingkiew shakhmat. “Ka nongrim jong ka roi ka par lah ban buh ha ki paia jong ka suk ka sain kaba biang bad ka jingialong kawei ha ka imlang sahlang” ula ong.
U Myntri kam Pohiing ula ong ba kine mi 12 snem kila iohi ia ka jingpyrshang bala pynleit jingmut bha jong ka Sorkar Pdeng ban pyntyllun sted ia ka roi ka par jong ka thain Shatei Lam Mihngi.
“Nalor u Narendra Modi, lehse ym pat ju don ki Myntri Rangbah Duh kiba la trei da kane ka jingpynleit jingmut ba iai bteng bad ka jingaiti sha ka roi ka par jong ka thain Shatei Lam Mihngi” ula ong.
