Shillong, Jylliew 03: Ki Pulit ka Pastuer Beat House kila ioh kem ia arngut ki snar nongtuh thuk thuk bala thwet jur bha da ki Pulit na ka thain Polo.
Kine ki snar nongtuh ki dei kiba donkti ha kiba bun ki kam tuh thuk thuk na Shillong bad ki ju leit khaii ia ki sha khappud ka Bangladesh.
Kine ki arngut ki kyrteng u Cornelius Mukhim ba ju khot sin u Bryan ba 20 snem, uba shong ba sah ha Mawlai Mawroh bad u Meshanki Lamare ba 21 snem, uba shong ba sah ha Sapai, Jowai.
Na kine ki arngut, ki Pulit kila oh kurup ia 9 tylli ki Taparia Torx key set, 9 tylli ki Taparia Allen key set, 2 tylli ki wire strippers pliers, u Taparia screw driver, ka pisa ba T.19,500, ka gun lighter nar ba don jingthoh Xin.Shi.Ji. Made in Jian. Chen JC, bad ki Nike sling bag.
Ia kine ki nongtuh thuk thuk yn sa ialam tian bishar lashai ka sngi hakhmat ka Iingkashari.
