Shillong, Jymmang 27 : Ka kynhun Myntri ka Sorkar Jylla kala ai jingmynjur ia ka amendment jong ka Meghalaya Forest Authority Act, 1991, ban shah ia ka Meghalaya Forest Authority ba kan pyndonkam ia ka song pisa ba ai ka Sorkar.
Haba kren hadien ka jingialang, u Myntri Rangbah Conrad K Sangma ula ong ba ka Forest Authority Act kala don la 35 snem hynrei kam shym la lah ban treikam bha.
“Ia kane ka Act la mynjur ha u snem 1991, kumta kala don mynta la 35 snem hynrei ym shym la lah ban pyntrei ia kane ka Act kumba ka long” ula ong.
Ula batai ba ka MFA kam don bor than halor ka kam pisa pilain hapoh kane ka Ain ba don mynta.
Ula ong ba ka amendment kan pynbeit ia kane ka jingduna. “Kane ka amendment kan shah ia ka MFA ba kan don ia ka kyndon ba kan lah pyndonkam ia ka song pisa bala ai da ka Sorkar Jylla haba ka leh ia kano kano ka kam ba man la ka sngi kum ka jingialang hapdeng ka Tnad Forest bad ki District Council bad ka Sorkar Jylla ruh kumjuh” ula ong.
