Guwahati, Jymmang 22: Ha ka jingjia kaba phylla, la lap ïa arngut ki khynnah skul kynthei kiba la ïap ha ka District Kokrajhar jong ka Assam ha ka sngi Palei, kaba la pynmih ïa ka jingkulmar ha katei ka thaiñ.
Katkum ki pulit, ia ka met jong kitei ki arngut ki samla pule la sei na kawei ka pung kaba don ha kper slasha Lalkura ha ka thain Dholmara ha Kokrajhar.
Kine kiba la khlad noh ki dei kiba la tip kyrteng kum ka Anamika Bara (15 snem ka rta) kaba dang pule klas 9 bad ka Charita Lakra (14 snem ka rta) kaba dang pule klas 8 jong ka skul Dholmara High School.
“La iathuh ba kitei ki arngut ki khynnah kynthei ki la jah rngai hadien ba ki la wan phai na skul ha ka por 10 baje mynstep.Hadien la lap ia ka met jong ki na ka pung kaba don hapoh ka kper slasha ha ka por 1:30 baje janmiet,” la ong u heh pulit.
Ar tylli ki baicycle bad ar tylli ki sandal jong ki khynnah kynthei la lap na ka pung.
Katba ki pulit ki la sdang ban tohkit halor kane ka kam.Ia ka daw kaba thikna jong ka jingiap ym pat lah ban pynthikna.
Ki seng samla pule, kynthup ïa ka All Assam Adivasi Students’ Association, lem bad kiwei pat ki kynhun, ki la wad ruh ïa ka jingtohkit kaba bniah halor kane ka kam.
