Imphal, Jymmang 21: Ha ka jingkhynra kaba jur pyrshah ïa ki tiar siat beaiñ, ki pulit jong ka Manipur bad ki bor pahara ba ïatreilang ki la lap ïa ka jaka buh tiar siat kaba heh bha bad ki la kem ruh ïa saw ngut ki lehnoh kiba ïadei bad ka UNLF (P).
Ia kane ka jingkhynra lang la sdang ha thain Lamdeng kaba hap hapoh ka Lamshang police station hadien ba la ioh ia ka jingtip ba tikna.
“Ngi la kem arngut ki dkhot ba shirhem bha jong ka UNLF (P), kiba la ithuh kum- u Heishnam Thomas Singh (29) bad u Tomtom Singh (29).Ha kane ka jingkhynra, ngi la ioh kurup kawei ka INSAS MG, lai tylli ki INSAS LMG magazines, bad 14 tylli ki kuli na kti jong ki,” la ong uwei u heh ophisar.
Katkum u heh ophisar, la kynnoh ba ki paralok jong ki lehnoh ba la shah kem ki la siat ia ki bor pahara ha ka por ba ki dang pynlong ia ka jingkhynra, kaba la pynlong ia ka jingiasiat ba mar kylliang kaba tang khyndiat por.
Kham hadien, la kem sa ia ar ngut ki riew shimet — u Ningthoujam Rakesh Singh bad u Chingakham Mahesh Singh — namar ba ki la kynnoh ba ki la siat ia ki bor pahara.
Ha ka jingtohkit ba nyngkong, la kynnoh ba kitei kiba la shah kem ki la phla ba ki la wan ban die ia kitei ka tiar ba la ioh kurup katkum ka jingbthah uba kam ia lade kum u Lance Corporal u Naorem Bijoy ba la khoy sin kum u Macha ka UNLF (P).
Ha ka sngi Palei, ki bor pahara kiba iatreilang ki la kurup sa 38 tylli ki tiar siat bad ka jaka buh tiar heh, kynthup ia ki suloi AK-series, ki suloi M-series, kawei ka suloi sniper, kawei ka carbine, ki shotgun, kawei ka mortars, kawei ka RPG-7 launcher, ka tiar pynbthei ia ki drone, bad ka jaka buh tiar kaba heh bha.
.){kind=link}