Shillong, Jymmang 20 : Ha kaba pyrkhat ïa ka jingshngain ia ki jingiada, ka bor district ka East Khasi Hills kala pynmih ia ka jingbthah kaba bniah na ka bynta ki paidbah halor ki lad jingiada ba dei ban shim ha ka por ba iaid ki kali kit umphniang petrol/diesel.
Kane ka jingbthah, bala pynmih da u Deputy Commissioner bad Chairperson, DDMA, East Khasi Hills District ha ka sngi Balang kala buh ia ki kyndon “kiei kiba dei ban leh” bad ki “bym dei ban leh” ia ki nongniah kali bad ki nongshongshnong.
KIEI KIBA DEI BAN LEH (to DOs)
Katba dang iaid ha surok
1. laid kham pajih na ki tanker kit umphniang (Petrol/Diesel) haba niah kali ne niah arshaka.
2. Dei ban husiar haba iaid lait (overtake) ia ki tanker kit umphniang (Petrol/Diesel) bad kiar na kaba pynsangeh kynsan hajan jong ki.
3. Bud ia ki kyndon iaid kali bad ki kyndon iaid stet hajan ki tanker kit umphniang.
4. Ai jaka kaba biang ia u nongniah tanker kit umphniang (PCtrol/Diesel) na ka bynta ban pynphai bad pynkhih ia ka tanker.
5. Dei ban long kiba husiar ha ki surok bah, khamtam ha ki por slap, lyer ne por leit jingleit miet.
Lada phi iohi ia ka jing jrein umphniang na ka tanker ne ka jingjia aksiden
1. Dei ban kynriah mardor na kata ka jaka.
2. Maham ia ki briew kiba don hajan ban kiar kham sha jngai.
3. Pyntip mardor sha ki nongtrei ba kyrkieh da kaba phone:
• 112
• Fire & Emergency Services
• Police Control Room
4. Pyntip mardor sha ki bor district lada lah.
5. leng kham pajih na ka jaka ba jia aksiden khnang ban lait na kaba ring mynsiem ia ka lyer ba long bih.
6. Bud ia ki jingbthah ba la pynmih da ki Pulit, ki bor pynlip ding bad ki bor synshar Distrik.
Ha ka por ba don ka jingbthei ne ka ding
1. Mih mardor na kata ka jaka.
2. Pynlip ia ki engine jong ki kali kiba don hajan.
3. Pynkylluid ia ki surok na ka bynta ki kali ai jingiarap ba l‹yrkieh (Emergency Vehicle).
4. larap ia ki riew tymmen, ki rangbah, ki khynnah bad ki briew kiba don jingduna ha ki dkhot met ban leit sha ki jaka ba shngain.
5. Lada don ka jingpynkynriah briew na ki bor Distrik sngcwbha ban ia treilang bad bud ia ki hukum ba la pynmih da ki bor Distrik.
WAT LEH (DON’Ts)
Wat leh ia kine harum lada phi don hajan ka tanker kit Umphniang (Petrol/Diesel)
1. Wat dih duma/sikret.
2. Wat thang ne pynmeh ding.
3. Wat thang ia ki tiar pynbthei (crackers).
4. Wat pyndonkam ia ki mobile phone hajan eh jong ka tanker kaba jrein umphniang.
5. Wat ktah ia ka umphniang kaba jrein na ka tanker (spilled fuel).
6. Wat lum paidbah hajan ka jaka ba aksiden
7. Wat pyrshang ban tan ne lum ïa ka umphniang kaba jrein na ka tanker.
8. Wat pynthut ne khanglad ïa ki nongai jingiarap a mardor (Emergency Responders)
