Shillong, Jymmang 17: Ka Meghalaya ka la jop ia ka jingiakhun kaba saw sien lynter ha ka lympung Swami Vivekananda U-20 Men’s National Football Championship 2026 daka ba pynliem ia ka Rajasthan da 3-0 kol.
Lyngba kane ka jingjop Meghalaya ka la bat iaka kyrdan ba hakhmat duh ha ka Group A da kaba kamai pura 12 point bad ka la rung syndon sha ka Quarter Final ha Narainpur, Chhattisgarh.
Ka jingïakhun ka la sdang ha ka por 7:30 baje mynstep bad ka Meghalaya ka la ïoh ban thep goal nyngkong lyngba u Mebanlamlynti Masharing haka minit (3’).
Ka Meghalaya kala tam shuh iaka Rajashthan lyngba ka Goal bala thep da u Ryan Gibbs Kharnaior haka minit ba (17’) bad hashuwa ban kut ka kylla step, ka Meghalaya kala ioh thep biang lyngba u Phermanbha Lyngdoh haka minit ba (38’).
Lah ban kdew baka Meghalaya kham mynshwa ka la lah ban pynliem ïa ka Bihar ha ka 9 tarik u Jymmang da 3-1 kol, iaka Jharkhand ha ka 11 tarik u Jymmang da 5-0 kol bad ia ka Andhra Pradesh ha ka 13 tarik u Jymmang da 8-1 kol.
Ka Meghalaya kan ïakhun pyrshah ïa ka kynhun ba jop na ka Group C ha ka Quarter Final Round.
