Nongstoiñ, Jymmang 04: Ka Seng Khasi West Khasi Hills District, ryngkat bad ka Seng Khasi Nongstoiñ, ka ïawer ïa baroh ki parakur parakha na ki tnad seng Khasi bapher bapher bad sha baroh ki paidbah ka West Khasi Hills, ban ïa poi sha ka Shad Suk Mynsiem ka ban long ha 10 bad 11 tarik u bnai Jymmang 2026 ha madan Football New-Nongstoiñ.
Na ka liang ka Seng lyngba u kyrwoh khubor ka la pynpaw ba ka long kaba la pdiang sngewbha ïa baroh ban wan ban sakhi ha kine ki sngi kiba kyrpang eh, ban ïa mih nongshad kynthei bad shynrang ha la ka riam ka beit pura ban phuh ban phieng.
