Assam exit poll 2026: Khreh ka NDA ban thaw sorkar biang, yn khur bun ka Kynhun ba ialam ka BJP

Guwahati, Jymmang 01: Ka National Democratic Alliance (NDA) kafba la ïalam da ka BJP, ka la khreh ban wanphai biang ïa ka bor synshar ha Assam ha ka sien kaba lai lynter, katkum ki exit poll kiba bun kiba la pynmih hadien ba la thep vote ïa ka Assembly elections 2026.

Ka jingkhein da ka Northeast-based political consultancy Future Edge ka pyni ia ki dak ki shin kiba shai ia ka NDA, ha kaba la khmih lynti ba ka BJP kan mih kum ka seng kaba ioh ia ka single largest party.

Future Edge Exit Poll (Seat Projection)
BJP: 65–70
BPF: 9–10
AGP: 7–9
UPPL: 1–2
INDIA bloc and others:
INC: 27–32
AIUDF: 2–4
AJP: 0–2
TMC: 0–1
APHLC: 0–2
Others/Independents: 0–1

Ki jingkhein ki ai jingmut ia ka jingjop suk da ka NDA ha ka iing dorbar kaba don 126 ngut ki dkhot, katba ka liang pyrshah ba la ialam da ka Congress la khmih lynti ba kan dang shitom ban ioh ban synshar.

Ka Future Edge ka la ong ba ka jingwad bniah jong ka ka long katkum ka jingshim nuksa ba la buh ryntih ha kylleng ki jaka, kaba shim ïa ka jingsngew jong ki nongthep vote ha kylleng ki thaiñ, ka jingkheiñ briew, bad ki kynhun ha ka imlang sahlang.Ka jingwad bniah ka pyniasoh lang ia ki jingpeit bniah ha madan bad ki buit pynshisha ia ki jingtip ban pyni ia ki jingsngewtynnat hadien ka jingthep vote.

Ha kajuh ka por, kawei pat ka jingkheiñ kaba heh jong ka Axis My India ka kdew sha ka jingsynshar kaba kham khlaiñ shuh shuh na ka bynta ka kynhun synshar, da kaba antad ba ka NDA kan jop 88 haduh 100 tylli ki seat, kaba palat bha ïa ka dak jong ka jingbun paid.

Lada kine ki jingkheiñ kin neh, kan long ka samoi kaba lai ba jop lynter jong ka NDA ha Assam, kaba pynskhem ïa ka jingsynshar jong ka BJP ha ka saiñ hima sima jong ka jylla.
Ki kaiphod ba pura, kynthup ia ka rukom treikam, ki jinglong ha ki thain, bad ka jingkhein ia ka bhah ne ka vote share, la khmih lynti ba kin ai ia ka jingshemphang kaba kham khraw shaphang ka jinglong jong ki nongthep vote ha kylleng ka Assam.