Shillong, Iaiong 30 : Ka Iingkashari ka Additional Deputy Commissioner (Judicial) ka East Khasi Hills, kala hukum ban set along shisnem lai bnai ia u briew uba thang ia ka iing ka kurim ha ka thain Madanrting bad buh jingma ia ka jingim I khun ba dang 10 bnai, kaba la jia ha u Nohprah 2024.
Une u briew u kyrteng u Lotsing Mynsong, uba ki Pulit kila pynngat ha ka Madanrting PS Case No. 176(12)2024 hapoh ka kyndon 326(g) BNS.
Ki Pulit kila kem ia u Lotsing halor ka ejahar bala mudui ha ka 24 tarik Nohprah 2024 bad u Investigation Officer UBSI Samuel Lapang, hadien bala dep tohkit, ula file ia ka chargesheet ha ka 29 tarik Kyllalyngkot 2025 hapoh ka kyndon 326(g)BNS.
Ka Iingkashari ka Kong B Laitmon (MHJS), Additional Deputy Commissioner (Judicial) ka East Khasi Hills, ha ka 9 tarik Iaiong kala rai pynrem ia u Lotsing bad hukum ban set along ia u haduh 1 snem lai bnai kaba u Lotsing ula pyndep ban shong along lypa, nalor ka kuna ba T.50,000 bad lada ym lah siew, yn hap shong along sa lai bnai.
 ka East Khasi Hills, kala hukum ban set along shisnem lai bnai ia u briew uba thang ia ka iing ka kurim ha ka thain Madanrting bad buh jingma ia ka jingim I khun ba dang 10 bnai, kaba la jia ha u Nohprah 2024.){kind=link}