Nongpoh, Iaiong 27: Ka Federation of Khasi Jaintia & Garo People (FKJGP), Baridua Circle ha ka sngi Nyngkong, kala hiar khynra ia kawei ka Gas Agency ba kynnoh pyniaid be-ain da uwei u nong Assam ha shnong Baridua, Ri-Bhoi District.
Kane ka Gas Agency ka dei kaba la tip kum ka Tapadar Gas Agency.
Ka FKJGP ba ialam da u Vice President Micky Lyndem bad u Assistant Secretary Starwell Majaw, kala pynlong ia kane ka jingkhynra hadien ba ioh pdiang ia ka jingujor ba kane ka Gas Agency kala treikam khlem da ioh jingbit ne iaid kat kum ki kyndon ain.
Ka ong ruh ba kawei ka daw ka long ba kane ka Agency ka lah ban buh jingma ruh ia ki paidbah namar kane ka kudam gas ka don hajan kawei ka Iingskul.
Kine ki Nongialam ka FKJGP ki iathuh ba kat kum ka jingujor, la kynnoh ba kane ka Gas Agency kam ju ai gas satia ia ki briew kiba don ia ki card gas hynrei la kynnoh ba ka shu die beain sha kito kiba thied ha ka dor kaba rem.
Ki iathuh ba ha kane ka jingkhynra, u trai kane ka Agency ula phet krad na katei ka jaka tang mar syn iohi ia ki dkhot ka seng.
Halor kane, ka FKJGP kala dawa ia ki bor pyniaid district ka Ri-Bhoi bad ki Pulit ba kin shimkhia mardor ha kaban leh eiei pyrshah ia kane ka Agency.
, Baridua Circle ha ka sngi Nyngkong, kala hiar khynra ia kawei ka Gas Agency ba kynnoh pyniaid be-ain da uwei u nong Assam ha shnong Baridua, Ri-Bhoi District.){kind=link}